Hatagize igikorwa isuri yatembana imibiri y’abashyinguwe mu irimbi rya Nyamirambo

Yanditswe na Thamimu Hakizimana
Kuya 10 Mutarama 2017 saa 12:35
Yasuwe :
0 0

Nyuma y’aho ruhurura z’umuhanda uherereye haruguru y’irimbi rya Nyamirambo zerekejwe muri iryo, bamwe mu baturage bemeza ko hatagize igikorwa ngo zishakirwe indi nzira, isuri yazatembana imwe mu mibiri y’abahashyinguwe.

Muri iki gihe iyo mvura iguye umuvu wose uturuka muri uwo muhanda umanukira muri iryo rimbi ukangiza imva ziriherereyemo.

Bamwe mu baganiriye na IGIHE, bagaragaje ko batewe impungenge n’iki kibazo kuko ngo isuri yangiza imva kimwe mu byaha urwaho imbwa zikaba zatwara imwe mu mibiri ihashyinguye.

Bizimungu Antoine yagize ati “ Iyo imvura iri kugwa amazi yose amanukira mu irimbi ku buryo hari n’imva ubona ko zamaze kwangirika mu buryo bugaragara.”

Yemeza ko kuba barubatse umuhanda ruhurura z’amazi awuturukamo bakazerekeza mu irimbi ari ikibazo gikomeye ndetse ubuyobozi bukwiye guhita bukemura kugira ngo ntibitere impungenge abaje kuhashyingura ababo.

Muhire Thomas we akeka ko n’abacukura imva zo muri iryo rimbi bashobora kuba batabikora neza nk’uko bikwiye.

Yagize ati “ Njye nkeka ko n’aba bantu bacukura imva bashobora kuba babigiramo uruhare; nonese urabona nk’iyi mva hatabura gato ngo ubone umubiri w’uyirimo?”

Jean Pierre Nshimiyimana ukora muri koperative icukura imva mu irimbi rya Rugarama we yagize ati “ Twe ducukura uko biba bwikwiye ahubwo ikibazo ni uko abubatse umuhanda ruhurura z’amazi awuvamo bazerekeje hepfo mu irimbi.”

Icyo Ubuyobozi bubivugaho

Umunyamabanga w’agateganyo w’Umurenge wa Nyamirambo Berthilde Mukambayire yavuze ko iki kibazo batari bakizi ariko nyuma yo kukimenya bagiye guhita bagikurikirana bakagikemura.

Yemeza ko hashobora kuba harabayeho ikibazo cya tekinike ubwo uyu muhanda wubakwaga.

Meya w’Akarere ka Nyarugenge, Kayisime Nzaramba, avuga ko ayo mazi yo muri uwo muhanda agomba gushakirwa indi nzira.

Yagize ati “ Kugeza ubu nta mva zari zangirika ariko natwe twarabibonye ko mu kubaka umuhanda amazi tugomba kuyaha inzira, gusa icyo nshakaga kuvuga ni uko dufite na gahunda yo kugira ngo turitunganye ndetse murabona ko hari n’igice twongereyeho kugira ngo ryiyongere.”

Yongeyeho ko bari kumvikana na rwiyemezamirimo kugira ngo iryo rimbi baricemo ibyiciro bitandukanye bitewe n’ubushobozi bw’abantu nk’uko bimeze mu irimbi ry’i Rusororo mu rwego rwo gukemura ibibazo bihagaragara.

Hari imva usanga zarangiritse mu buryo bukomeye
Kuba amazi iatemba mu irimbi ni ikibazo abaturage bavuga ko gikwiye gukemuka vuba
Zimwe mu mva zigenda zangirika kubera isuri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244