IGIHE.com > Amakuru > U Rwanda
Huye: Abana bafashwa na “Imbuto Foundation” barakangurirwa kuba intangarugero

Huye: Abana bafashwa na “Imbuto Foundation” barakangurirwa kuba intangarugero


Yanditswe kuya 2-12-2013 - Saa 19:35' na Prudence Kwizera

Ubwo yasozaga amahugurwa y’iminsi ibiri agenewe abana bafashwa na Imbuto Foundation, Umuyobozi mukuru w’uyu mushinga, Madame Ndejuru Radegonde, yasabye abana b’abakobwa bagize amahirwe yo kwiga, gukomeza kwitwara neza no kubera abandi urugero, kugira ngo bizabafashe kuvamo abanyarwandakazi bafitiye igihugu n’imiryango yabo akamaro.

Bamwe mu bana b'abakobwa bafashwa na Imbuto Foundation

Muri iki gikorwa, abana b’abakobwa basaga 200 nibo bahuguwe n’umushinga “Imbuto Foundation” kubera ko batsinze neza amasomo yabo; ni mu rwego rwo gukomeza kubakangurira kuba intangarugero mu bandi no kubwerekana ko ubuyobozi bubari hafi.

Bamwe muri aba bana babwiye IGIHE ko iyo bahurijwe hamwe, bituma bungurana ibitekerezo ndetse bakahakura n’inyigisho zitandukanye, bizera ko zizabagirira akamaro mu buzima bwabo ndetse bakaba bavuga ko inyigisho bahawe batagiye kuzicarana ahubwo bazazisangiza bagenzi babo.

Ubuyobozi bwa Imbuto Foundation nabwo bwatangaje ko bwahuje aba bana mu rwego rwo kugira ngo bubigishe bunabibutse ubushobozi n’ikizere bibarimo bakwie gukoresha neza.

Madame Ndejuru Radegonde, Umuyobozi w’umushinga imbuto foundation, avuga ko bateguye aya mahugurwa ku bana b’abakobwa batsinze neza kurusha abandi, kugira ngo babashishikarize gukomeza umuhati wo kwiga neza basanganywe, ariko kandi ngo gutsinda mu mashuri gusa ntibihagije, kuko bagomba no kwigishwa indangagaciro ziranga umunyarwanda, kugirango nabo babashe gufasha barumuna babo.

Kugeza ubu, umushinga “Imbuto foundation” umaze guhemba abana b’abakobwa basaga ibihumbi bitatu, bagiye batsinda neza mu masomo yabo, mu byiciro by’amashuri bitandukanye.

Aba bana bahuriye mu karere ka Huye bakaba bibumbiye mu matsinda atandukanye y’ibigo bigiye bigaho azwi nka Club.

Abana b'abakobwa bagaragaje kuba indashyikirwa mu gutsinda neza amasomo yabo ndetse bakanagira imyitwarire myiza mu masomo yabo bakunze kwitwa Inkubito z'icyeza
Radegonde Ndejuru umuyobozi wa Imbuto Foundation
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO