Kwamamaza

Huye: Ukekwaho ubujura yarasiwe kuri SACCO arapfa

Yanditswe kuya 18-10-2016 saa 13:45' na Philbert Hagengimana


Umwe muri batatu bakekwaho kuba ari abajura yarasiwe kuri SACCO y’Umurenge wa Rwaniro ho mu Karere ka Huye arapfa, abandi babiri baburirwa irengero.

Umunyamabanga Nshingwabikorwa w’Umurenge wa Rwaniro, Sebarinda Frederic yatangaje ko abo bajura baje ahagana saa sita n’igice z’ijoro bagerageza kwinjira muri Hirwa Sacco Rwaniro, ariko uwo mugambi wari uzwi n’umwe mu baturage batuye muri ako gace, wawumenye kuwa Gatanu w’icyumweru gishize.

Umusore uzwi ku izina rya ‘Bale’ uvuka muri ako gace, ni we wabwiye uwo muturage uwo mugambi, amwizeza ko nabafasha bakawugeraho bazamuhemba, maze amuha ifu y’ibinini bisinziriza yari yaseye, ngo azashyire mu byo kunywa by’abazamu bo kuri iyo Sacco.

Icyakora uwo muturage ntiyabyihereranye, ahubwo yamenyesheje umwe muri abo bazamu, ari na we wamenyesheje inzego z’umutekano.

Bale yazanye n’abandi basore babiri baturutse mu Mujyi wa Kigali, maze binjira muri iyo Sacco, umuzamu ahita abimenyesha abasirikare bari bari ku burinzi. Umwe muri abo basore yari yamaze kwinjira, undi asigara hanze mu gihe undi na we yacungaga, ari na we wirutse mbere, maze amenyesha abandi, ariko uwari winjiye we ntibyamuhiriye kuko ari we wahuriranye n’abo basirikare, maze ashatse kwiruka we araraswa, ahita apfa.

Abo basore bakekwaho ubujura bari bitwaje icyuma gicukura ahakomeye.

Sebarinda yasabye abaturage kurushaho kwicungira umutekano, ati “Ni cyo dusaba n’abandi bose, ko ubonye umuntu atazi, ayo makuru agomba kuyatanga kugirango umutekano tuwufatanye hatagira uwuhungabanya.”

Sacco y'Umurenge wa Rwaniro

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved