Huye: Urubyiruko rwasabwe kugira umuco wo gutabarana byihuse

Yanditswe na Ishimwe Israel
Kuya 11 Ukwakira 2016 saa 02:06
Yasuwe : XX
0

Muri gahunda yayo yo gutanga umusanzu mu kubaka umuryango Nyarwanda, Croix-Rouge y’u Rwanda yatanze amahugurwa ku rubyiruko rwo mu Karere ka Huye, agamije kubongerera ubumenyi mu gutanga ubutabazi bw’ibanze ndetse no kugira umuco wo gutabara buri wese.

Aya mahugurwa y’iminsi itanu yahawe abagera kuri 60 baturuka mu Mirenge ya Huye, Ngoma na Tumba.

Umukozi wa Croix-Rouge y’u Rwanda mu ishami rishinzwe ibikorwa by’ubutabazi bw’ibanze, Pamella Girimbabazi Rugabira, yavuze ko abahuguwe bigishijwe uburyo bwo gutabara umuntu uri mu bibazo no kwihutira kumugeza kwa muganga.

Yagize ati “Tubaha amasomo atandukanye arimo nko gutabara umuntu wagize impanuka, uwahiye,urwaye bikomeye, mbese ni ubutabazi waha umuntu mbere yuko umugeza kwa muganga utamuhungabanyije. Icya mbere tubatoza ni umutima w’ubutabazi n’urukundo.”

Umwe mu bitabiriye aya mahugurwa yasojwe kuya 7 Ukwakira 2016, yatangaje ko hari byinshi yungutse ku byo yari asanzwe azi.

Jeanne Hakizimana yagize ati “Nabonye ubufasha naha umuntu ubabaye, urugero naguha ni nko guterura umuntu mapyisi, bumwe mu butabazi waha umuntu ufite ikibazo cyo kuruka. Nabashije no kwiga uburyo nasuzuma umuntu nkamenya ikibazo afite. Ikindi nungutse kidasanzwe ni uguterura umuntu wavunitse kandi imvune ye sinyihungabanye”.

Umuhuzabikorwa wa Croix-Rouge y’u Rwanda mu Turere twa Huye na Gisagara, Robert Muyenzi, yasabye abahuguwe kuba intangarugero aho batuye.

Yagize ati “Turabasa guhora ari imboni za Croix-Rouge y’u Rwanda na Leta kuko turakorana, aho batuye bakaba bagomba gutabara no kunganira uwagize ikibazo, bifashishije ubumenyi twabahaye.”

Croix-Rouge y’u Rwanda ivuga ko iki gikorwa cyo guhugura urubyiruko ku gutanga ubutabazi bw’ibanze bakigize ngarukamwaka kandi kizakomereza no mu tundi turere tw’igihugu.

Abitabiriye amahugurwa bigishijwe uburyo bwo gutanga ubutabazi bw'ibanze
Urubyiruko rwahuguwe rwahawe impamyabushobozi
Umukozi wa Croix-Rouge y’u Rwanda mu ishami rishinzwe ibikorwa by’ubutabazi bw’ibanze, Pamella Girimbabazi Rugabira avuga ko abahuguwe bahawe ubumenyi bwo gutanga ubutabazi bw'ibanze
Umuhuzabikorwa wa Croix-Rouge y’u Rwanda mu Turere twa Huye na Gisagara, Robert Muyenzi yasabye abahuguwe gutanga ubufasha aho batuye
Abahuguwe mu ifoto rusange

prudence@igihe.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza