Ibyo wamenya kuri ‘Ba Miliyoneri’, Poromosiyo idasanzwe ya Tigo

Yanditswe na Uwishyaka Jean Louis
Kuya 24 Ukwakira 2016 saa 12:32
Yasuwe : XX
0

Sosiyete y’itumanaho ya Tigo yatangije poromosiyo yise ‘Ba Miliyoneri’, igamije gushimira abakiriya bayo uburyo babanye nayo muri uyu mwaka wa 2016, bityo mu kubitura buri munsi abanyamahirwe 111 bakazajya begukana ibihembo by’amafaranga.

Uburyo iyi poromosiyo ikora ni nta makemwa kuko buri munsi mudasobwa ijya mu bantu basaga miliyoni eshatu bakoresha umurongo wa Tigo maze igahitamo umuntu umwe ikamugenera miliyoni eshanu , abandi icumi buri wese ikamugenera miliyoni imwe mu gihe abandi 100 basigaye buri wese imugenera ibihumbi 100.

Icyo bisaba umukiriya wese wa Tigo kugira ngo arebe ko ari mu bo iryo koranabuhanga ryageneye amafaranga y’uwo munsi, ni ukwinjira muri iyi poromosiyo aho wohereza ijambo “TIGO” kuri 155 cyangwa ukandika *155# ugahitamo ‘Kina’ ukabona ko uri mu bayatsindiye cyangwa mu batayatsindiye.

Buri uko uhamagaye cyangwa wohereje ubutumwa bugufi kuri 155 ugira ngo urebe niba uri mu batsindiye ibihembo, ucibwa amafaranga 100 ariko ukayasubizwa mu ma inite aho uhabwa iminota 2 na SMS 3 buri uko ukinnye.

Iyo ibyo birangiye wohererezwa ubutumwa bugufi bukumenyesha ko watsinze cyangwa utatsinze.

Bitewe n’uko hari abakiriya bazajya baba bakinnye ariko ntibabashe kugira igihembo batsindira ngo babe muri ba bandi 111 bahawe ibihembo, Tigo yafashe umwanzuro ko abo bose batagize amahirwe yo kugira icyo begukana kandi bakinnye izajya ibahuriza hamwe maze buri mugoroba saa moya n’igice kuri Televiziyo y’u Rwanda icyuma kivangavange ama nimero yabo havemo uwegukana miliyoni imwe.

Gutora umunyamahirwe mu bakinnye ntibatsinde bizajya biba umunsi ukurikiyeho, ni ukuvuga ngo abakinnye ku wa kabiri bazajya bahembwa umunsi ukurikiyeho kugira ngo bibe bigaragaza ko abahembwe ari abakinnye guhera saa sita z’ijoro kugeza izindi saa sita z’ijoro z’undi munsi.

Tigo igaragaza ko mu gihe abantu bose mudasobwa yashyizeho ibihembo uko ari 111 ku munsi, baramutse bakinnye iyi tombola buri munsi hatangwa ibihembo bigera ku mafaranga miliyoni 25 hakiyongeraho na miliyoni 1 itomborwa n’umuntu umwe buri mugoroba kuri televiziyo.

Ubwo iyi poromosiyo y’iminsi 75 yatangizwaga ku mugaragaro tariki ya 18 Ukwakira 2016, Umuyobozi ushinzwe ubucuruzi muri Tigo, Yaw Ankoma Agyapong yavuze ko bayiteguye mu rwego rwo gushimira abakiriya.

Ati “ Kubera ubufatanye buzira amakemwa bw’abakiriya bacu, umwaka wa 2016 watubereye umwaka w’intsinzi. Hamwe na ‘Ba Miliyoneri’, turashaka kugira icyo twitura abakiriya bacu tukababwira tuti ’mwarakoze kubana na Tigo’.”

Ikindi ubuyobozi bwa Tigo bugaragaza ni uko umuntu iyo akinnye kenshi bimuhesha kuba umunyamahirwe maze icyuma cyaza gukaraga akegukana miliyoni buri mugoroba.

Ku bantu bagira akazi kenshi batabasha kubona umwanya wo gukina muri iyi poromosiyo, Tigo yabashyiriyeho uburyo bwo gukina aho umukiriya akanda *155# agahitamo ifatabuguzi rihoraho (subscription) maze buri munsi mudasobwa ikajya imurebera niba ari mu banyamahirwe 111 ba buri munsi ndetse akajya no mu banyamahirwe bahatanira Miliyoni itangirwa kuri televiziyo.

Mu gusoza iyi poromosiyo tariki ya 31 Ukuboza 2016, abantu bose bagerageje gukoresha 155 bakinjira mu irushanwa, bazatomborwamo uzegukana igihembo nyamukuru cya miliyoni 10 z’amafaranga y’u Rwanda.

Ubonye ko yegukanye ibihembo agana icyicaro cya Tigo kimwegereye bakareba niba umwirondoro ari uwe bakabona kumuha amafaranga yatsindiye bakoresheje Tigocash. Nta yindi nimero ihamagara abatsinze uretse 0722123123.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza