Kwamamaza

Icyizere mwagiriwe nimukibyaze umusaruro- Minisitiri Musafiri

Yanditswe kuya 7-10-2016 saa 15:21' na Ntakirutimana Deus


Minisitiri w’Uburezi Dr Musafiri Malimba Papias yasabye abayobozi bahawe inshingano nshya muri iyo Minisiteri gukora cyane bagakomeza guteza imbere uburezi mu Rwanda bufatwa nk’inkingi ya mwamba y’iterambere ry’Igihugu.

Minisitiri Musafiri yabibasabye ku wa Gatanu tariki ya 7 Ukwakira 2016, mu muhango w’Ihererekanyabubasha hagati ya Munyakazi Isaac na Rwamukwaya Olivier.

Munyakazi Isaac, yarahiriye kuba Umunyamabanga wa Leta ushinzwe amashuri abanza n’ayisumbuye asimbuye Olivier Rwamukwaya wahinduriwe inshingano akagirwa Umunyamabanga wa Leta ushinzwe amashuri y’imyuga n’ubumenyingiro.

Minisitiri Musafiri yahaye ikaze Munyakazi mu rugamba rwo guteza imbere uburezi bw’u Rwanda.

Ati"Turakwakiriye, turakunezerewe kandi turakwizeza ubufatanye.Tuzabafasha kuzuza inshingano zawe nawe udufashe gutuma Minisiteri igera ku nshingano zayo."

Yamusabye kubyaza umusaruro icyizere yagiriwe, akazakomeza guteza imbere inshingano yahawe zibumbye igice kinini cy’urwego rw’uburezi bw’u Rwanda.

Rwamukwaya Olivier wahinduriwe inshingano yavuze ko urwego avuyemo ruhuje abanyeshuri hafi miliyoni eshatu biga mu mashuri y’incuke, abanza n’ayisumbuye.

Yasezeranyije Munyakazi ko azamufasha gusohoza inshingano yahawe biciye mu kumusangiza ubunararibonye yari amaze kugiramo mu myaka ibiri yari amaze muri uwo mwanya.

Rwamukwaya yishimiye bimwe mu byo urwego yari ayoboye rwagezeho, birimo kwemera igipimo by’uburezi byanarushijeho gutera imbere n’umubare w’ abanyeshuri ukiyongera mu bice byose.

Umubare w’abataga ishuri na wo ngo waragabanutse ku buryo bavuye kuri 14.3% bakagera kuri 5.7%, asaba uwamusimbuye gukomeza gufatanyiriza hamwe bakagera kuri 0%.

Gahunda yo kugaburira abana ku ishuri na yo ngo yaranogejwe, kuko yinjira muri iyo Minisiteri bari ku kigero cya 62% none bageze kuri 91%.

Minisitiri Musafiri yamusabye gukomezanya umuhate yagaragaje mu kazi, watumye ahabwa inshingano mu rwego rukomeye.

Munyakazi Isaac na Rwamukwaya Olivier mu muhango w'ihererekanyabubasha
Abanyamabanga ba leta muri Mineduc, Umunyamabanga Uhoraho n'Umuyobozi wa WDA, mu ifoto rusange

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved