Inkangu yatenguye umuhanda Karongi-Muhanga ibuza urujya n’uruza rw’ibinyabiziga (Yavuguruwe)

Yanditswe na Evariste Nsengimana
Kuya 28 Mata 2018 saa 07:57
Yasuwe :
0 0

Polisi y’u Rwanda yatangaje ko imvura nyinshi yaraye iguye yangije umuhanda Karongi-Muhanga, mu gice giherereye mu Murenge wa Rugabano, ahazwi nko ku Rutare rwa Ndaba, ubu ibinyabiziga bibaka bitari kugenda nk’uko byari bisanzwe.

Mu itangazo yashyize ku rubuga rwayo rwa Twitter mu gitondo cyo kuri uyu wa 28 Mata 2018, Polisi yamenyesheje abakoresha uwo muhanda ko utari nyabagendwa.

Riragira riti “Polisi y’u Rwanda iramenyesha abakoresha umuhanda Karongi-Muhanga, mu Murenge wa Rugabano aho bita ku Rutare rwa Ndaba ko inkangu yafunze umuhanda ukaba utari gukoreshwa. Tubasabye kwihangana mu gihe hagikorwa ibishoboka ngo ivanwemo.”

Umuvugizi wa Polisi y’u Rwanda ishami rishinzwe umutekano wo mu muhanda, SSP Jean Marie Vianney Ndushabandi, yabwiye IGIHE ko abaturage bari gufatanya n’Ikigo cy’Abashinwa gifite inshingano zo gutunganya uwo muhanda.

Ati “Abaturage bari gufatanya n’Abashinwa bari basanzwe bari gukora uwo muhanda, bari gukora ibishoboka byose kugira ngo umuhanda wongere kuba nyabagendwa.”

Icyo gice cy’umuhanda cyatengutse, gikunze kwibasirwa n’inkangu kubera ubutaka bwacyo bworoshye.

Ku gicamunsi cyo kuri uyu wa Gatandatu, Polisi yatangaje ko imirimo yo gukura inkangu mu muhanda ikomeje, ko ubu wongeye kuba nyabagendwa.

Umuhanda Karongi-Muhanga wangiritse ku buryo nta binyabiziga biri kuwunyuramo
Abaturage bafatanye n'Ikompanyi y'Abashinwa bari mu mirimo yo kuwutunganya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza