Kwamamaza

Inteko Ishinga Amategeko y’u Rwanda irasimbuza Bazivamo uherutse kwegura muri EALA

Yanditswe kuya 19-10-2016 saa 08:18' na Cyprien Niyomwungeri


Inteko Ishinga Amategeko, Umutwe w’Abadepite kuri uyu wa Gatatu tariki 19 Ukwakira 2016 iratora umudepite usimbura Christophe Bazivamo mu Nteko Ishinga Amategeko y’Umuryango wa Afurika y’Iburasirazuba (EALA).

Bazivamo yeguye mu minsi ishize nyuma yo kugirwa Umunyamabanga Mukuru Wungirije w’Umuryango wa Afurika y’u Burasirazuba (EAC), ushinzwe imari n’ubutegetsi.

Itangazo ry’Inteko Ishinga Amategeko, Umutwe w’Abadepite rivuga ko amatora atangira ku isaha ya saa tatu za mu gitondo, mu cyumba cy’Inteko Rusange cy’Umutwe w’Abadepite.

Mu 2012 nibwo Abadepite b’u Rwanda muri EALA batangiye indi manda y’imyaka itanu igomba kurangira muri Kamena 2017, bivuze ko usimbura Bazivamo arangiza manda ye isigaje amezi agera ku munani gusa.

Bazivamo yatorewe kwinjira muri EALA ku itariki 13 Kamena 2011 asimbuye Dr Pierre Damien Habumuremyi icyo gihe wari wagizwe Minisitiri w’Uburezi, umwanya yavuyeho aba Minisitiri w’Intebe akaza gusimburwa na Anastase Murekezi.

Muri EALA, Umuryango FPR Inkotanyi n’Imitwe ya politiki yishyize hamwe bagiramo abadepite bane naho PL, PSD, Urubyiruko, Abagore n’Abafite ubumuga bakagira umudepite umwe.

FPR ifitemo Martin Ngoga, Hajabakiga Mugorenejo Patricia na Rwigema Pierre Céléstin, hagasigara umwanya wa Christophe Bazivamo weguye. PL ifite Odette Nyiramirimo, PSD ikagira Dr. François Xavier Kalinda, Urubyiruko ruhagarariwe na Ndikuryayo Straton, abagore bahagarariwe na Nyirahabineza Valerie mu gihe abafite ubumuga bahagarariwe na Dr. James Ndahiro.

Bivuze kandi ko umudepite mushya utorwa ari butangwe na FPR Inkotanyi n’Imitwe ya politiki yishyize hamwe na yo.

Abagize Inteko Ishinga Amategeko, Umutwe w’Abadepite baratora umusimbura wa Christophe Bazivamo muri EALA

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved