Kwamamaza

Intumwa z’ibihugu 197 zasize urwibutso rw’ibidukikije i Kigali (Amafoto)

Yanditswe kuya 15-10-2016 saa 08:05' na Rabbi Malo Umucunguzi


Intumwa z’ibihugu 197 zitabiriye ivugururwa ry’amasezerano ya Montreal ku ikoreshwa ry’imyuka yangiza ikirere, bateye ibiti mu busitani bwa Kigali Convention Centre, nk’ikimenyetso kigamije kubungabunga ibidukikije n’ubuziranenge bw’ikirere, ingingo ibamajije icyumweru mu Rwanda.

Iyi yatangiye ku itariki 8 ikaza gusozwa kuri uyu wa Gatanu tariki 14 Ukwakira, yari itegerejweho gufata umwanzuro ku ikumirwa ry’ikinyabutabire ‘ hydrofluorocarbons cyangwa CFCs.

Mbere yo gutera ibiti, Minisitiri w’Umutungo kamere, Dr Vincent Biruta, ari na we Perezida w’iyi nama izwi nka MOP 28, yabwiye izi ntumwa z’ibihugu ko ari urwibutso bagiye gusigira u Rwanda.

Ati “Uyu munsi twateguye uyu mwitozo wo gutera ibiti kugira ngo musige urwibutso rw’uruzinduko rwanyu hano mu Rwanda, bamwe mwahaje ku nshuro ya mbere. Icya kabiri ni ni ikimenyetso cy’ibyo twiyemeje mu kubungabunga umubumbe w’Isi, by’umwihariko akayunguruzo k’imirasire y’izuba, Ozone.’’

Minisitiri Biruta yizeje aba bashyitsi ko nubwo bateye igiti kimwe kimwe, ati “tuzabyitaho ku buryo nimugaruka muzahasanga ishyamba, atari ibiti gusa.’’

Mu bashyitsi bitabiriye uyu muhango, harimo Minisiti w’Ububanyi n’Amahanga Louise Mushikiwabo wari uhagarariye Perezida Paul Kagame n’Umuyobozi w’Umujyi wa Kigali, Monique Mukaruliza.

Abashyitsi banejejwe no gutera ibiti byitezweho kuzatanga umusanzu mu kubungabunga ikirere
Ahatewe ibiti hitezweho kuzaba hari ubusitani butoshye mu minsi iri imbere
Ambasaderi Erica Ruggles wa Leta Zunze Ubumwe za Amerika mu Rwanda, Meya w'Umujyi wa Kigali, Monique Mukaruliza na Flamenco Cordova
Collette Ruhamya(iburyo) uyobora Ikigo gishinzwe kubungabunga ibidukikije, REMA
Meya Mukaruliza na Flamenco Cordova
Minisitiri Biruta na we ari mu bateye igiti mu busitani bwa Kigali Convention Centre
Umwe mu bashyitsi yashishikariye gutera igiti no kugisigasira ngo kitagwa uruhande rumwe
Ba Minisitiri Biruta na Mushikiwabo muri uyu muhango
Minisitiri Biruta aganiriza intumwa zitabiriye iki gikorwa
Intumwa z'ibihugu zibwirwa uko zigiye gusiga urwibutso mu Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved