Kwamamaza

Ishusho y’Umujyi wa Rusizi mu mafoto

Yanditswe kuya 1-11-2016 saa 22:08' na Sitio Ndoli


Umujyi wa Rusizi ni umwe muri itandatu yunganira uwa Kigali muri gahunda ya Leta y’u Rwanda y’uko 35% by’Abanyarwanda bazaba batuye mu mijyi bitarenze 2020.

Igishushanyo mbonera kigaragaza ko iyi mijyi izaba irimo ibikorwaremezo nk’imihanda, amazi, amashanyarazi, uburyo bwo gutunganya imyanda, gufata amazi n’ibindi kandi igakorerwamo imishinga iteza imbere abaturage.

Benshi mu batuye Umujyi wa Rusizi n’abawugenda bemeza ko uko iminsi yicuma ugenda utera imbere binyuze mu bikorwaremezo byubakwa ndetse n’urujya n’uruza rw’abantu, rugira uruhare mu kwagura ubuhahirane n’ibihugu by’ibituranyi birimo Repubulika Iharanira Demokarasi ya Congo n’u Burundi.

Uyu Mujyi uzwi nka Kamembe kuva mu myaka yo hambere, wabarizwagamo umurenge wa Kamembe, n’igice gito cya Mururu na Gihundwe mbere yuko hongerwaho imirenge ya Giheke na Nyakarenzo.

Nubwo inyubako zigezweho zikomeje kuzamurwa muri uyu mujyi haba hagati ndetse no mu nkengero zawo, witegeye ikiyaga cya Kivu ndetse n’imisozi ya Repubulika Iharanira Demokarasi ya Congo, haracyagaragara n’inzu bivugwa ko zubatswe n’abacuruzi b’Abarabu baje mu gihe cy’abakoloni.

Ubucuruzi bw'isambaza bukorwa n'abatari bake
Benshi mu banyonzi b'i Rusizi babona ibiraka byo gutwaza imizigo abacuruzi b'i Congo
Agace gakorerwamo ubucuruzi ku Rusizi ya I aho abava n'abajya i Congo banyura bambuka
Aho ubwato butwaye ibicuruzwa bivuye muri Congo no mu Karere ka Rubavu buhagarara
Akarwa kari mu Kiyaga cya Kivu witegeye ubwiza bw'Umujyi wa Rusizi
Mu Mujyi wa Rusizi hari kubakwa amahoteli akomeye
Imihanda hafi ya yose mu mujyi rwagati yashyizweho amatara
Inzu zikorerwamo ubucuruzi i Kamembe
Inzu zigezweho zo guturwamo ziri kwiyongera mu mujyi no mu nkengero zawo
Inzu zijyanye n'icyerecyezo zirazamurwa buri munsi
Inzu z'ubucuruzi bivugwa ko zubatswe mu gihe cy'abakoloni
Amarembo ya Gare nshya y'Akarere ka Rusizi
Imwe mu nyubako yahinduye isura y'Umujyi, iri mu zigezweho yubatswe bwa mbere i Kamembe
Isoko ry'ahitwa ku Gatolika mu Murenge wa Gihundwe
Uhagaze mu mujyi rwagati witegeye inyubako ziherereye ahitwa ku Badive
Inyubako nshya zubakwa ku nkengero z'ikiyaga cya Kivu
Icyapa cyerekana aho Umwami Yuhi V Musinga yari atuye mu myaka yo hambere
Muri Stade ya Rusizi yahoze yitwa Kamarampaka
Imihanda yo muri City (agace gatuwe n'abayisilamu benshi) iri hafi gushyirwamo kaburimbo
Inyubako ziherereye mu gacwe kazwi nko ku Kacyangugu hatera imbere buri munsi
Iyi hoteli y'inyenyeri eshanu yitezweho kuzamura ubukerarugendo mu gihe izaba yuzuye

Amafoto: Sitio Ndoli


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved