Kwamamaza

John Kerry yashimiye Perezida Kagame ku bwo kwakira Inama ku masezerano ya Montreal

Yanditswe kuya 15-10-2016 saa 13:09' na IGIHE


Umunyamabanga wa Leta Zunze Ubumwe za Amerika ushinzwe Ububanyi n’Amahanga, John Kerry, yashimye Perezida w’u Rwanda Paul Kagame n’abanyarwanda muri rusange ku bwo kwakira inama yigaga ku ivugururwa ry’amasezerano ya Montreal, yasojwe kuri uyu wa 15 Ukwakira.

John Kerry yageze mu Rwanda ku mugoroba wo ku wa Gatatu tariki ya 13 Ukwakira 2016 yitabiriye iyi nama, yari iteraniyemo intumwa ziturutse mu bihugu bigera ku 197.

Yagize ati “Ndashimira Perezida Kagame n’abanyarwanda bose ku bwo kwakira inama ya 28 ku masezerano ya Montreal(MOP28). Twagiriye amahirwe akomeye i Kigali yo kugena ejo heza h’umubumbe wacu.”

Iyi nama yasojwe ibihugu byemeranyije ku ivugururwa ry’amasezerano ya Montreal, agamije guca ibyuka byangiza ikirere bituruka mu byuma bikonjesha, ‘hydrofluorocarbon (HFCs)’.

Bamwe mu bitabiriye iyi nama bari batangiye kugira impungenge ku hazaza h’isi mu gihe ivugururwa ry’aya masezerano ryaba ritemeranyijweho n’ibihugu.

Minisitiri Mattlan Zackhras, waturutse mu Birwa bya Marshall, yagize ati “Iki cyumweru haramutse habuze amasezerano yemeranyijweho, byaba ari icyasha mu maso y’Isi yose, kuko dukeneye cyane amasezerano yatuma dukuraho HFCs, kubera ko kubikora byaba ari intambwe ikomeye mu gukumira ishyuha ry’Isi, tukabasha nibura kugabanyaho dogere Celsius 0.5’’

Minisitiri Hakima El Haite ushinzwe ibidukikije muri Maroc, yavuze ko kuvugurura amasezerano ya Montreal bizazana impinduka mu buzima rusange bw’Isi, ndetse bukanayigeza ku iterambere rirambye.

Inkuru bifitanye isano

- Byacura iki ibihugu binaniwe kumvikanira i Kigali ku ivugururwa ry’amasezerano ya Montreal?

- John Kerry yaburiye ibihugu bidashyira hamwe n’ibindi mu guhangana n’ihindagurika ry’ibihe

- Ivugururwa ry’Amasezerano ya Montreal ryemerejwe i Kigali

Perezida Kagame yakira John Kerry kuri uyu wa Gatanu
Minisitiri Mushikiwabo, John Kerry, Perezida Kagame na Erica Ruggles
Perezida Kagame yakira John Kerry kuri uyu wa Gatanu
Perezida Kagame yagiranye ibiganiro na John Kerry

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved