Kwamamaza

Kamonyi: Gitifu ukekwaho gushyira umwana we mu batishoboye yaba yeguye

Yanditswe kuya 17-10-2016 saa 12:15' na Umutoni Rosine


Umunyamabanga Nshingwabikorwa w’Umurenge wa Karama, ukekwaho gushyira umwana we mu batishoboye bishyurirwa amashuri n’umushinga no kuba mu nzu y‘abakecuru batishoboye imyaka isaga ibiri atabishyura, biravugwa ko yeguye.

Amakuru agera kuri IGIHE aravuga ko Gitifu Sebagabo François yaba yaratanze ibaruwa yegura ku mirimo ye mu mpera z’icyumweru gishize.

Uyu muyobozi ngo yari amaze imyaka ibiri n’igice aba mu nzu yubakiwe abakecuru n’abasaza batishoboye, atabishyura, ndetse ngo yari yarashyize umwana we mu mushinga wishyurira abana batishoboye amashuri yisumbuye.

Twagerageje kuvugana na Sebagabo kuri telefone ye igendanwa ntibyadukundira, tumwoherereje ubutumwa bugufi adusubiza ahakana ibivugwa. Ati “Sibyo. Ndumva wareka ngakira hanyuma nkazaguha amakuru yose wifuza nta kibazo.”

Ubuyobozi bw’Akarere ka Kamonyi bwagize icyo bubivugaho

Umuyobozi w’Akarere ka Kamonyi, Udahemuka Aimable yatangarije IGIHE ko impamvu uyu muyobozi atari mu kazi ari uko arwaye.

Yagize ati “Ibaruwa yo kwegura kwe ntayo ndabona, iyo nabonye ni ivuga ko arwaye akaba ari mu kiruhuko”.

Yakomeje avuga ko abatishoboye yabereye mu nzu imyaka isaga ibiri bagejeje ikibazo ku buyobozi. Ati “Yabaye mu nzu y’abaturage bahabwa inkunga y’ingoboka, imyaka ibiri n’igice atishyura, aho abaturage batubwiriye ikibazo twamusabye kubishyura kandi ubu ndumva yarabirangije.”

Umuyobozi w’Akarere ka Kamonyi, yakomeje avuga ko ikibazo cyo gushyira umwana we mu mushinga wishyurira abatishoboye na cyo bari kugikurikirana. Ati “Ibyo na byo ni ukubikirikirana tumenya ukuri kwabyo.”

Udahemuka yavuze ko umuyobozi adakwiye kuba bihemu. Ati “Ubundi ntabwo bikwiye ko umuyobozi agira imyitwarire nk’iyi, nta wayishyigikira; nta muyobozi ukwiye kuba bihemu. Ikigomba gukorwa ni uguhozaho mu kubigisha.”

Ibiro by'Akarere ka Kamonyi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved