Kicukiro: Ba Gitifu 19 b’Utugari basezeye ku kazi

Yanditswe na Philbert Girinema
Kuya 27 Ukwakira 2016 saa 09:24
Yasuwe :
0 0

Abanyamabanga Nshingwabikirwa 19 bo mu Tugari dutandukanye mu Karere ka Kicukiro basezeye ku mirimo kubera imikorere idahwitse.

Inkuru yo gusezera kw’aba banyamabanga Nshingwabikorwa yatangiye gusakara ku gicamunsi cyo ku itariki ya 26 Ukwakira.

Mu kiganiro IGIHE yagiranye n’Umuyobozi w’Akarere ka Kicukiro, Dr Jeanne Nyirahabimana, yemeje aya makuru avuga ko basezeye kubera imikorere idahwitse yabagaragayeho nyuma y’isuzumwa ryakozwe n’Akarere.

Yagize ati "Ni abo mu mirenge hafi ya yose. Hari abasezeye kubera impamvu bihariye ariko bijyanye n’imikorere, kuboneka ku kazi , kutita ku bibazo by’abaturage, kurebera imyubakire y’akagari. Iyo umuntu abonye hari imikorere idahwitse hari igihe yifatira icyemezo cyo gusezera mu kazi, ariko hari n’igihe asezererwa."

Uyu muyobozi ntiyemeza cyangwa ngo ahakane ko ari Akarere kirukanye aba bakozi, ariko avuga ko isuzumwa ryakozwe n’Akarere ryagaragaje ko Abanyamabanga Nshingwabikorwa basezeye batuzuzaga inshingano zabo.

Abanyamabanga Nshingwabikorwa basaga 40 hirya no hino mu turere tw’igihugu bamaze gutangaza ko beguye muri uku kwezi k’Ukwakira, hafi ya bose bagatangaza ko ari ku mpamvu zabo bwite.

Umuyobozi w'Akarere ka Kicukiro, Dr Nyirahabimana Jeanne

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244