Kwamamaza

Kicukiro: Ba gitifu babiri b’imirenge beguye ku mirimo yabo

Yanditswe kuya 21-10-2016 saa 08:02' na IGIHE


Umunyamabanga Nshingwabikorwa w’Umurenge wa Gahanga, Kaboyi Jean Bosco n’uwa Niboye, Mukiza Alfred yo mu Karere ka Kicukiro beguye ku mirimo yabo kubera impamvu zabo bwite.

Kuwa Kabiri w’iki cyumweru,tariki ya 18 Ukwakira 2016 bivugwa ko Gitifu Kaboyi Jean Bosco wayoboraga Gahanga yegujwe, kubera uruhare yagize mu itangwa ry’ihene zahawe abasigajwe inyuma n’amateka nyuma bakaza kuzinyagwa.

Iyi nkuru kandi yaje ikurikira iy’ubwegure bwa Mukiza Alfred wayoboraga Umurenge wa Niboye.

Umuyobozi w’Akarere ka Kicukiro , Dr Nyirahabimana Jeanne, yemereye IGIHE ko aba banyamabanga bamushyikirije amabaruwa y’ubwegure bwabo, ndetse bafashe icyemezo ku mpamvu zabo bwite.

Yagize ati “ Niko bimeze ayo makuru niyo, aba banyamabanga beguye ku mpamvu zabo bwite. Iyo umuntu yeguye ku mpamvu ze bwite nta bindi bisobanuro dushyiraho, ubwo bumvise hari impamvu zituma begura kuri ako kazi bagakora ibindi cyangwa bakajya muri gahunda zabo zindi.”

Abajijwe niba ubwegure bw’aba bayobozi budafitanye isano n’imyitwarire bagize ihabanye n’indangagaciro zabo yagize ati “ Buri gihe iyo umuntu yavuye ku kazi abantu bashaka impamvu z’ibibazo bishobora kuba byarabayeho, kugira ngo basobanukirwe, ndumva ibyo biri muri urwo rwego. Icyo nubaha nuko umuntu yasezeye ku mpamvu ze bwite. Ibindi nakongeraho kwaba ari ukutubaha icyemezo cyabo. Iyo baza kubishyira mu ibaruwa bakavuga ngo ni impamvu runaka nari kubisubiramo.”

Dr Nyirahabimana yatangaje ko ubu batangiye gushaka ababasimbura. Ati “ Hari abayobozi bashyizwe mu nzibacyuho mu myanya bari barimo, ndetse irashyirwa ku isoko vuba kugira ngo bayipiganire nkuko amategeko abiteganya.”

Umuyobozi w’Akarere ka Kicukiro, Dr. Nyirahabimana Jeanne

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved