Kwamamaza

Kicukiro: Imiryango umunani itishoboye yashyikirijwe inzu z’asaga miliyoni 105

Yanditswe kuya 12-10-2016 saa 12:14' na Thamimu Hakizimana


Imiryango Umunani y’abatishoboye yo mu Kagari ka Rusheshe, mu Murenge wa Masaka, Akarere ka Kicukiro, yahawe inzu zifite agaciro ka miliyoni 105,798,600 z’amanyarwanda.

Izi nzu zubatswe ku bufatanye bw’Akarere ka Kicukiro, Ikigega cya Leta gitera inkunga abarokotse Jenoside batishoboye(FARG) n’Inkeragutabara, zashyikirijwe iyi miryango ku mugaragaro ku wa Kabiri tariki ya 11 Ukwakira 2016.

Inzu enye zahawe aba baturage, buri imwe ifite agaciro ka miliyoni 26,449,650, ikazaturwamo n’imiryango ibiri.

Abaturage bahawe izo nzu, bazakiranye ibyishimo kubera ko ntaho kuba bari bafite.

Uzamukosha Antoinette w’imyaka 55, umupfakazi w’abana batanu yagize ati “ Ndishimye cyane kandi Imana izabafashe ndetse izanafashe Perezida Paul Kagame kuko nari mbayeho nabi mpora nirukanwa mu nzu kubera kubura ubwishyu ku buryo nari maze igihe ncumbitse mu nzu y’icyumba kimwe n’abana banjye bose uko ari batanu.”

Umuyobozi w’Akarere ka Kicukiro, Dr Jeanne Nyirahabimana, yavuze ko kubakira abatishoboye biri mu nshingano zabo ndetse anavuga ko iyi miryango umunani yiyongereye ku iyindi 22 yubakiwe muri aka gace mu mwaka ushize wa 2015.

Yagize ati” Izi nzu tumaze gutaha ni enye, zirimo inzu umunani zishobora kwakira imiryango umunani ariko uko mubibona hari n’andi akarere kari karubakiye abatishoboye mu mwaka ushize kuko tugenda tuyubaka uko ubushobozi bubonetse.”

Umuyobozi w’Umujyi wa Kigali wungirje ushinzwe iterambere ry’ubukungu, Busabizwa Parfait, yasabye abaturage bahawe inzu kuzifata neza.

Buri muryango wahawe inzu ifite ibyumba bibiri, igikoni, ubwiherero,ikigega gifata amazi ndetse n’ibindi bikoresho nkenerwa nk’intebe, matelas n’ibindi.

Ubuyobozi bw’Akarere ka Kicukiro bwanabahaye ibiribwa bizabasha mu gihe gito birimo umufuka wa kawunga w’ibiro 25, uw’umuceri ndetse n’ibiro 10 by’ibishyimbo, amavuta yo guteka ndetse n’isabune.

Izi nzu zije ziyongera ku zindi 22 zubakiwe abatishoboye mu mwaka ushize
Buri nzu izajya ibamo imiryango ibiri
Izi nzu zifite agaciro ka miliyoni zisaga 105 z'amanyarwanda
Abahawe inzu bazishimiye bitewe n'uko ngo bari barembejwe n'ubukode
Abayobozi basabye abahawe inzu kuzazifata neza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved