Kwamamaza

Gisozi: Coaster yacitse feri igonga abantu umunani

Yanditswe kuya 1-12-2016 saa 10:52' na Thamimu Hakizimana


Imodoka itwara abagenzi(Coaster) yavaga i Kagugu yerekeza mu Mujyi wa Kigali yacitse feri igeze mu Gakinjiro(ka Gisozi) igonga abantu umunani barakomereka, ku bw’amahirwe ntibapfa.

Ahagana saa mbiri n’igice zo kuri uyu wa Kane tariki ya 1 Ukuboza 2016, nibwo iyi Coaster yari irimo abantu 26 yakoze impanuka.

Abaturage babwiye IGIHE ko nyuma y’uko umushoferi abonye ko yakomerekeje abantu yahise ayivamo akizwa n’amaguru.

Bamwe mu babonye iby’iyi mpanuka bavuze ko yatewe n’uko Coaster yacitse feri.
Uwikunze Charles yagize ati “ Njye nabonye iyo Coaster ari kumanuka igeze kuri ‘dos d’anne’ ikajya izisimbuka amapine atazikoraho nibwo umushoferi yatangiye gukwepa izindi modoka ageze aha agonga umumotari n’indi moto yari itwaye umugenzi irakomeza igonga n’abandi bari imbere yayo.”

Yakomeje avuga ko abantu umunani aribo bakomeretse ndetse ko nta n’umwe wari muri iyo Coaster wagize icyo aba.

Nyuma y’iminota mike iyi mpanuka ibaye imbangukiragutabara yaje ihita ikorera ubuvuzi bw’ibanze abantu batandatu byagaragaraga ko basa nk’abakomeretse cyane.

Turacyakurikirana kugira ngo tumenye icyaba cyateye iyi mpanuka nyir’izina.

Imodoka yagongeshejwe umukingo ibona guhagarara
Imbangukiragutabara yaje kugoboka abakomerekejwe n'iyi mpanuka
Abakomeretse bajyanywe kwa muganga
Bamwe mu bakomeretse babanje guhabwa ubuvuzi bw'ibanze
Agace iyi modoka yamanutsemo igonga abantu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved