Kwamamaza

Kigali: Hagiye kuba imurikagurisha rikomeye rizasubiza abifuza gutunga inzu zabo

Yanditswe kuya 24-10-2016 saa 19:20' na Tombola Felicie


Ku nshuro ya mbere, mu Rwanda hagiye kubera imurikagurisha ry’ibikoresho byifashishwa mu bwubatsi rizitabirwa n’ababicuruza, ababigura n’ibigo by’imari n’amabanki, mu rwego rwo gufasha buri muntu kubona ibyo akeneye ngo yubake, anasane inzu adahenzwe cyangwa ngo ahabwe ibintu bitujuje ubuziranenge.

Iri murikagurisha rizahuza abacuruza ibikoresho by’ububwatsi, abatanga ibyangombwa byo kubaka, ibigo byubakisha, amabanki atanga inguzanyo mu by’ubwubatsi, ibigo bitanga ubwishingizi bw’inyubako n’abandi batandukanye.

Ryateguwe n’Ikompanyi Rwanda Home igamije kugeza amakuru yose ashoboka ku muntu ushaka kubaka inzu ye cyangwa kuyisana ndetse no kumenyekanisha abacuruzi b’ibyo bikoresho baba abato n’abanini.

Mu kiganiro IGIHE yagiranye n’Umuyobozi Mukuru wanashinze Rwanda Home, Mulari Phillip yatangaje ko iri murika ari uburyo bwiza bwo kumenyekanisha no guteza imbere ibikorerwa mu Rwanda n’igisubizo ku bashaka gutunga inzu zabo bwite.

Ati “Turashaka guteza imbere ibikorerwa mu Rwanda , abazwi n’abatazwi bose bagahura bakamenyana, noneho umuguzi na we akagira amahitamo akurikije uko abona ibintu bimeze. Icyiza kirimo ni uko ushaka gutunga inzu azabona banki yabimufashamo,akamenya aho yakura ibikoresho byizewe inzozi ze zikaba impamo.”

Ibikoresho bizamurikwa birimo umucanga, amabuye, amatafari, amarangi, insinga z’amashanyarazi , amakaro, amatiyo, amabati , amapave, ibikoresho byo mu nzu nk’intebe, ibitanda n’ibindi.

Mulari avuga ko ikigambiriwe ari ukugira ngo amakuru ajyanye n’ubwubatsi amenyekane mu buryo bworoshye binyuze mu guhuza abakenerana ariko bataziranye.

Ati “Nyuma yo kureba tugasanga muri Sosiyete Nyarwanda harimo icyuho cyo kutabona amakuru yizewe mu by’ubwubatsi ku bashaka kubaka cyangwa gusana, twasanze hari ikigomba gukorwa. Tuje kumenyesha umuntu wese aho yakura ibyo akeneye byose mu bwubatsi ndetse no kumenyekanisha ibikorerwa mu Rwanda (Made in Rwanda), kuko usanga hari abagitumiza ibikoresho hanze y’igihugu nk’amapave kandi hari abanyarwanda bayakora neza mu moko atandukanye.”

Mugabe Pascal ushinzwe guteza imbere ibikorwa ndetse n’ikoranabuhanga muri Rwanda Home asobanura ko kutabona amakuru ahagije kandi yizewe, hari bamwe bigusha mu gihombo mu gihe bagiye kubaka.

Ati “ Kugeza ubu iyo umuntu ashaka amabuye cyangwa umucanga byo kubakisha ajya Nyabugogo akavugana n’umuntu akajya kubimushakira; hari ubwo azana umucanga cyangwa amabuye atashakaga ugasanga ahombye kabiri cyangwa agapfa kubikoresha kuko ugura aba atigereye ku babigurisha.Ikindi nakwibutsa abantu nuko ikompanyi yacu yemewe n’Ikigo cy’Igihugu gishinzwe imiturire (RHA).

Iri murikagurisha rya mbere rigiye kubera mu Rwanda, rizatangira tariki 29 Ukwakira 2016 kugeza tariki ya 4 Ukuboza 2016 kuri Sitade Nto i Remera.

Ikindi ni uko hazatangizwa ku mugaragaro uburyo bwo guhuza abaguzi n’abagurisha ibijyanye n’ibikoresho by’ubwubatsi binyuze mu ikoranabuhanga rya internet, haba ku bari imbere mu gihugu n’abari mu mahanga, bazajya babasha kubona amakuru yose bifuza ku bijyanye no kubaka mu Rwanda, kubona ibibanza, inzu zo kugura n’ibindi byose biciye kuri urwo rubuga.

Mugabe ati “Icyo gihe buri wese azahava amenye urubuga www.rwandahome.com rwamufasha kubona amakuru y’ibintu byose akeneye n’ababicuruza bakabimugezaho uko yabisabye.”

Uretse kuba iri murika rizaba rifite umwihariko wo guhuza abafite aho bahuriye n’ubwubatsi, ririmo n’ibindi abantu bakunda nk’aho kwidagadurira, aho gufatira ibiribwa n’ibinyobwa ndetse n’aho abana bashobora gukinira igihe ababyeyi barimo kureba ibijyanye n’amakuru bakeneye.

Hazaba kandi hari abahanga mu ngeri zitandukanye bazigisha abazaryitabira nko gusiga amarangi, gushyira pave mu rugo mu buryo bwiza n’ibindi bijyanye n’ubwubatsi.

Haracyari amahirwe ku bashaka kumurika ibikorwa

Abashaka kumurika ibikorwa byabo muri iri murikagurisha ry’ibikoresho by’ubwubatsi baracyari kwiyandikisha banyuze ku rubuga www.rwandahome.com.

Biteganyijwe ko iri murikagurisha rizajya riba buri mwaka kugira ngo abantu bungurane ibitekerezo ndetse bibe n’uburyo bwiza bwo kumenyekanisha ibikorerwa mu Rwanda.

Rwanda Home itera inkunga abantu bafite imishinga yo kubaka ibagezaho ibikoresho byiza
Inzu zikodeshwa
Iri murikagurisha rizagaragaramo ibiryamirwa bikenerwa mu cyumba
Imirasire y'izuba

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved