Kigali: Imihanda imwe izaba ifunze kuri iki Cyumweru

Yanditswe na Bukuru JC
Kuya 19 Gicurasi 2017 saa 11:34
Yasuwe :
0 0

Umujyi wa Kigali watangaje ko kubera isiganwa mpuzamahanga ryitiriwe amahoro, Kigali International Peace Marathon, rizaba ku Cyumweru tariki ya 21 Gicurasi 2017, imihanda imwe izaba ifunzwe ku binyabiziga bifite moteri.

Itangazo Umujyi wa Kigali wasohoye kuri uyu wa Gatanu, rigaragaza ko imihanda izaba ifunze kuri iki Cyumweru ari ‘izengurutse iyahoze ari KIE – Stade Amahoro- Gisimenti-Gishushu- MINIJUST- Ninzi Hill Hotel- Rond point ya KBC – Hotel Novotel na Gishushu –Nyarutarama MTN Centre mu Kabuga ka Nyarutarama werekeje kuri Aberdeen House-Umuhanda uzengurutse Vision 2020 Estate.

Iyi mihanda izaba ifunze kuva saa kumi za mu gitondo kugeza saa sita z’amanywa.

Mu gihe iyo mihanda izaba ifunze, abaturutse mu bice bya Kibagabaga na Kimironko bazakoresha imihanda Kimironko – Kigali Parents- Kuri 12 –Remera Giporoso –Prince House- Rwandex - mu Kanogo berekeza mu Mujyi cyangwa Nyabugogo.

Naho abaturutse Remera na Kanombe, bashobora guca Prince House- Rwandex - mu Kanogo berekeza mu Mujyi cyangwa bagaca Poids Lourds berekeza Nyabugogo.

Abaturutse Kicukiro berekeza Kacyiru bashobora guca Sonatubes- Rwandex –Kanogo –Kimicanga – Kacyiru.

Kigali International Peace Marathon izanitabirwa na Madamu Jeannette Kagame na Margaret Kenyatta, Umudamu wa Perezida Uhuru Kenyatta wa Kenya.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza