Kigali:Umurenge wa Kimisagara mu rugamba rwo guhangana n’ubujura

Yanditswe na Kanamugire Emmanuel
Kuya 5 Ugushyingo 2016 saa 07:17
Yasuwe :
0 0

Ibibazo byugarije Umurenge wa Kimisagara birimo ubujura bushikuza, ubucuruzi bwo mu kajagari n’ibindi, byatumye hafatwa ingamba zigamije guhangana na byo mu buryo burambye.

Muri uyu murenge haracyagaragara bamwe mu bajura bashikuza abantu telefone n’amashakoshi nubwo ubuyobozi budahwema kubirwanya bwivuye inyuma.

Usibye muri uyu murenge hirya no hino mu mujyi wa Kigali heze ubujura bwo kuri uru rwego ndetse hamwe na hamwe inzu zirapfumurwa cyane cyane nijoro.

Ibi byatumye hashakwa umuti urambye w’iki kibazo hemezwa ko abanyerondo bahabwa amahugurwa abafasha kurikora kinyamwuga.

Abagera ku 171 ni bayatangiye ku wa Gatanu tariki ya 4 Ugushyingo 2016, bigishwa uko bakwiye kurwanya ubujura bushikuza n’ubucuruzi bw’akajagari bukigaragara muri uyu murenge wa Kimisagara.

Umunyamabanga Nshingwabikorwa w’umurenge wa Kimisagara Ruzima Serge, yabwiye IGIHE ko amasomo abo banyerondo bari guhabwa agamije kurengera umutekano w’abaturage n’ibyabo.

Yagize ati “ Ni ukugira ngo barusheho konoza imikorere yabo barwanya ubujura bwo gushikuza telefone n’amashakoshi ndetse n’ubucuruzi bwo mu kajagari bukigaragara mu bice bitandukanye by’uyu murenge no kunoza imikoranire n’abaturage n’izindi nzego.”

Rugamba Salvator, umwe mu bahuguwe yemeza ko we na bagenzi be bazayavamo barushijeho kumenya inshingano zabo.

Ati “ Turi kwigishwa uko bashaka amakuru no kurwanya abajura n’ibindi bituma umutekano w’abanyarwanda udahungabana.”

Yongeyeho ko bizafasha cyane mu mikoranire n’abaturage kubera ko iyo umuntu akora ibyo azi bituma anabikora neza.

Abanyerondo bo mu Murenge wa Kimisagara bari mu myitozo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza