Kwamamaza

Kigali:Yafashwe amaze iminsi yibye inzugi z’inzu yacumbikiwemo

Yanditswe kuya 8-10-2016 saa 12:25' na Thamimu Hakizimana


Umusore utuye ku Kabusunzu yafatiwe mu murenge wa Rwezamenyo mu Mujyi wa Kigali, amaze ukwezi yibye inzugi eshatu yakuye ku nzu yari acumbitsemo.

Mu gitondo cyo kuri uyu wa Gatandatu tariki ya 8 Ukwakira 2016, nibwo uyu musore yafatiwe ahitwa kwa Mutwe mu Murenge wa Rwezamenyo, afashwe n’umugore wari waramucumbikiye.

Uyu musore akimara gufatwa yahise yemerera uwari waramucumbikiye ko ari we wibye izo nzugi ndetse ahita anajya kumwereka aho yazigurishije, hasanzwe hagurishirizwa ibikoresho byakoze.

Uyu mugore yabwiye IGIHE ko yababajwe cyane n’uburyo umusore yamwibye inzugi z’inzu ye iherereye mu murenge wa Gitega mu gihe yari yarayimucumbikiyemo ku buntu.

Uyu musore yemeye ko izo nzugi yazigurishije ku mafaranga ibihumbi 12 by’amanyarwanda.

Yagize ati “ Nijye wazibye nzigurisha ibihumbi 12 hano ariko uyu mugore ndumva yambabarira kuko namaze kumwereka aho nazigurishije.”

Umunyamabanga Nshingwabikorwa w’Umurenge wa Rwezamenyo, Mutarugera Dieudonné yagiriye inama abaturage kwirinda kugura ibintu biba byarakoze kuko ubifatanwe afatwa nk’umufatanyacyaha mu bujura.

Abantu bari bashungereye uyu musore akimara gufatwa
Umusore wibye inzugi z'inzu yacumbikiwemo akimara gufatwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved