Kwamamaza

Kimisagara: Abanyerondo bahawe ibyombo

Yanditswe kuya 8-11-2016 saa 12:20' na Thamimu Hakizimana


Abayobozi b’irondo mu midugudu yose igize Umurenge wa Kimisagara, mu Karere ka Nyarugenge, bahawe ibyombo kugira ngo biborohereze gukorana n’ubuyobozi.

Ibibazo bitandukanye byugarije Umurenge wa Kimisagara birimo, inzoga z’inkorano, ubujura bwo kwambura abantu, ubucuruzi bwo mu kajagari n’ibindi. Byatumye hafatwa ingamba zo guha icyombo buri muyobozi w’irondo muri buri mudugudu ugize uyu murenge mu rwego rwo guhangana na byo mu buryo burambye.

Aba banyerondo bashyikirijwe ibyombo, kuri uyu wa Mbere tariki ya 7 Ugushyingo 2016, ubwo basozaga amahugurwa y’iminsi ine yari agamije kubigisha uko bakwiye kurwanya ubujura n’ubucuruzi bwo mu kajagari bukigaragara muri uwo murenge.

Umuyobozi w’irondo mu Murenge wa Kimisagara, Rugamba Salvator yabwiye IGIHE ko ibi byombo bahawe bizabafasha gutanga amakuru hakiri kare.

Yagize ati “Ibi byombo bije gukemura uburyo bw’itumanaho kuko hari n’igihe na telefone zigira ibibazo zigashiramo umuriro, ku buryo uzajya ahura n’ikibazo mu mudugudu we azajya ahita abimenyesha ubuyobozi bumufashe.”

Umunyerondo ukuriye abandi mu Mudugudu wa Nungo, mu Kagari ka Kamuhoza, yemeza ko ibi byombo bahawe bigiye gukemura ibibazo byinshi byagaragaraga muri Kimisagara.

Yagize ati “ Ubundi hari igihe twashakaga guhamagarana ugasanga umwe umuriro wamushiranye cyangwa se twahura n’ibibazo tukabura uburyo tubibwirana. Ikindi bizatuma duhashya abacuruza ibiyobyabwenge n’abajura mu murenge wose kuko uzajya ababona azajya ahita abimenyesha bagenzi be cyane ko ibyo tuzajya tuvugiraho ubuyobozi buzajya bubyumva.”

Ibi byombo aba banyerondo bahawe, byatwaye miliyoni 4,700,000 z’amafaranga y’u Rwanda.

Nyuma yo gushyikirizwa ibyombo, abanyerondo bose ba Kimisagara bahise banishyurira mituweli abaturage 50 batishoboye bo muri uyu murenge.

Abanyerondo biyemeje guhashya ibyaha n'urugomo rurangwa muri uyu murenge
Bavuga ko 'Ibyombo' bahawe bizabafasha guhanahana amakuru mu rwego rwo guhangana n'ibyaha
Rugamba ushinzwe irondo ati "Ibi byombo bije gukemura ibibazo byagaragaraga mu itumanaho"

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved