Kwamamaza

Kinyinya: Abanyamuryango ba FPR –Inkotanyi basabye ko utugari twongererwa ubushobozi

Yanditswe kuya 31-10-2016 saa 21:16' na Cyprien Niyomwungeri


Abanyamuryango ba FPR-Inkotanyi bo mu tugari tune tugize umurenge wa Kinyinya mu Karere ka Gasabo, bagaragaje icyifuzo cy’uko mu bizagenderwaho n’uwo muryango ‘Manifesto 2017-2024’, hakitabwaho kongerera ubushobozi urwego rw’akagari kuko ari rwo rubumbatiye imiyoborere myiza.

Ejo ku Cyumweru tariki 30 Ukwakira mu nteko idasanzwe yo kuvugurura ibizagenderwaho n’umuryango FPR- Inkotanyi mu mwaka wa 2017-2024, abanyamuryango bagera ku 175 bagaragaje ibyakwitabwaho kugira ngo bakomeze kuba moteri y’iterambere rishingiye ku byifuzo by’abaturage.

Abanyamuryango bishimiye ibyagezweho muri Manifesto 2010-2017, bifuza ko ubutaha hanozwa uruhare rw’abaturage mu mihigo, uburyo bw’imiturire bijyanye n’ubushobozi bwa buri muturage ndetse n’urwego rw’akagari rukongererwa ubushobozi binyuze mu kongera abakozi.

Umuyobozi wungirije wa FPR-Inkotanyi mu murenge wa Kinyinya, Chantal Niwemugeni, yasobanuye ko impamvu bifuje ko utugari twitabwaho ari uko ku kagari hari abakozi bakeya, ibikoresho bikeya kandi ariho hari inkomoko y’amakuru yose agera ku rwego rw’igihugu.

Yagize ati “Tubona ari urwego rukomeye cyane rugomba guhabwa imbaraga kandi rukongererwa n’ubushobozi, kugira ngo rurusheho gukora neza buri munyarwanda abone serivisi zinoze.”

Akomeza avuga ko bahereye ku kagari ariko uko igihugu kizagenda cyiyubaka nta kabuza no ku mudugudu bizahagera.

Ati “Gufata ibikorwa bijya mu murenge, mu karere bigakorwa n’abakozi babiri gusa n’abo mu midugudu nabo bakabahurizaho ibyo bakusanyije, twabonye ko bibaye byiza habaho gutekereza uko hakwiyongeramo abandi bakozi, imibereho myiza igatandukanywa n’iterambere, hakaza nk’ushinzwe kwiga imishinga kugira ngo serivisi zitangwe neza.”

Ubusanzwe akagari kagira abakozi babiri, Umunyamabanga Nshingwabikorwa w’akagari n’umukozi ushinzwe imibereho myiza n’iterambere.

Abanyamuryango ba FPR-Inkotanyi banifuje ko mu bizagenderwaho ubutaha hanozwa uburyo bw’imiturire bijyanye n’ubushobozi bwa buri muturage.

Niwemugeni afatira urugero ku murenge wa Kinyinya, umwe mu mirenge y’umujyi wa Kigali, akavuga ko hari ukuntu bashobora gutekereza nk’abanyamujyi cyane kandi hari n’abafite ubushobozi bwo hasi.

Yagize ati “Ubusanzwe n’abari hasi bitabwaho ariko turagira ngo bagire ijambo rikomeye n’uburyo bwo gutegura aho gutura bagire ijambo. Hari igihe bashyiraho site bakavuga ngo aha hagomba kuzajya umuntu ufite etaje igeretse rimwe, nyamara hari abari munsi batazashobora iyo etaje. Ushobora gusanga bitekerezwa n’abatekinisiye ariko abaturage batabanje gutanga ibitekerezo byabo na byo ngo bigire agaciro.”

Ibi bitekerezo birimo gukusanywa bizagezwa ku rwego rw’Akarere bikomereze no ku rw’igihugu havemo imirongo FPR Inkotanyi izagenderaho muri 2017/2024.

Muri iyi nteko idasanzwe kandi hanasimbujwe umuyobozi w’Umuryango FPR-Inkotanyi, Nshimiyimana Appolinaire umaze amezi hafi abiri yeguye ku mpamvu ze bwite. Yasimuwe na Mutsindashyaka Andre watowe ku majwi 145/155.

Mutsindashyaka yavuze ko iki ari icyizere gikomeye n’inshingano zikomeye ariko nta kidashoboka kuko umuntu iyo ari kumwe n’abandi byose bishoboka.

Mutsindashyaka Andre, watorewe kuyobora FPR mu Murenge wa Kinyinya
Umuyobozi Wungirije wa FPR Inkotanyi mu Murenge wa Kinyinya, Chantal Niwemugeni

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 25 Ugushyingo 2016
Copyright © 2009 -2014 - IGIHE Ltd - All Rights Reserved