Kwamamaza

Komisiyo y’Amatora igiye kuvugurura lisiti y’itora izakoreshwa mu matora ya Perezida

Yanditswe kuya 12-11-2016 saa 11:33' na Ntakirutimana Deus


Mu rwego rwo kwitegura amatora ya Perezida wa Repubulika azaba umwaka utaha, Komisiyo y’Igihugu y’Amatora yatangaje ko igiye gutangira kuvugurura lisiti y’itora izifashishwa.

Itangazo iyo komisiyo yashyize ahagaragara ryashyizweho umukono n’Umunyamabanga Nshingwabikorwa wayo wungirije, Mukarurangwa Immaculée, riragaragaza ko iyo lisiti izatangira kuvugururwa guhera tariki ya 14 kugeza ku ya 30 Ugushyingo 2016, bikazakorerwa mu tugari no mu midugudu yose.

Abanyarwanda bujuje ibisabwa kandi bagejeje igihe cyo gutora barasabwa kwihutira kwikosoza kuri lisiti y’itora mu tugari n’imidugudu batuyemo kugira ngo bazashobore kwitabira ayo matora no kugira ngo azabe mu mucyo no mu bwisanzure.

Iyi komisiyo kansi irasaba abanditse kuri lisiti y’itora y’Umudugudu batagituyemo kandi batazatoreramo, kwiyandikisha ku y’umudugudu bimukiyemo.

By’umwihariko, abanyeshuri biga mu mashuri makuru na za kaminuza, barasabwa kwiyandikisha kuri lisiti y’itora y’umudugudu bateganya kuzatoreramo mu gihe cy’itora, hifashishijwe umugereka wabugenewe.

Naho ku bijyanye n’abiga mu mashuri yisumbuye ubu bari mu biruhuko, biyandikisha kuri lisiti y’umudugudu batuyemo kuko ari na ho bazatorera.

Amatora ya Perezida wa Repubulika ateganyijwe azaba ari aya gatatu azaba abaye nyuma ya Jenoside yakorewe Abatutsi mu 1994, kuko aheruka muri 2003 no muri 2010, yose akaba yaragiye atsindwa n’umukandida watanzwe n’Umuryango FPR Inkotanyi Paul Kagame.

Ayo matora yitabirwa n’abakandida batanzwe n’imitwe yemewe ya politiki mu Rwanda, n’abakandida ku giti cyabo bujuje ibisabwa. Amategeko agena ko uwujuje imyaka 18 akaba ari inyangamugayo, ari we wemererwa gutora.

Abaturage bari ku murongo biteguye gutora

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved