Ku nshuro ya 11 hagiye kwibukwa imiryango isaga 15 000 yazimye muri Jenoside

Yanditswe na IGIHE
Kuya 9 Gicurasi 2019 saa 05:19
Yasuwe :
0 0

Umuryango w’Abarokotse Jenoside barangije Amashuri Makuru na Kaminuza (GAERG) ku nshuro ya 11 wateguye igikorwa cyo kwibuka imiryango yazimye burundu muri Jenoside yakorewe Abatutsi.

Mu gihe u Rwanda rukiri mu minsi ijana yo kwibuka ku nshuro ya 25 Jenoside yakorewe Abatutsi, umuhango uwo kwibuka imiryango yazimye uzabera mu karere ka Nyanza kuwa Gatandatu tariki 11 Gicurasi guhera saa kumi z’umugoroba.

Umuryango wazimye burundu ni umuryango wishwe wose muri Jenoside ntihagire n’umwe urokoka.

Guhera mu 2009 kugeza ubu, GAERG imaze kubarura imiryango yazimye 15,593 yari igizwe n’abantu 68,871.

Mu itangazo rigenewe abanyamakuru, uyu muryango wagaragaje ko kuzirikana ayo mateka ari intwaro ikomeye yo guhangana n’abahakana ndetse n’abapfobya Jenoside yakorewe Abatutsi.

Kuri iyi nshuro ya 11 , kwibuka imiryango yazimye burundu byahuriranye nuko hamaze kubarurwa imiryango yazimye mu turere twose tw’igihugu.

GEARG yatangiye gahunda yo kwibuka imiryango yazimye mu 2009. Muri uwo mwaka iki gikorwa cyabereye i Ntarama mu Bugesera, 2010 kibera i Murambi muri Nyamagabe, mu 2011 byabereye i Karongi, Kicukiro byahabereye mu 2012, Kiziguro muri Nyagatare byakozwe mu 2013, Musanze byabaye mu 2014, Kinazi muri Ruhango bikorwa mu 2015, byabereye ku Gisozi mu 2016, bibera i Rubavu mu 2017 naho mu 2018 bibera i Nyarubuye mu karere ka Kirehe.

Umwaka ushize kwibuka imiryango yazimye muri Jenoside yakorewe Abatutsi byabereye i Nyarubuye muri Kirehe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza