Kwamamaza

Leta igiye gufasha abari mu cyiciro cya mbere cy’Ubudehe kubona amashanyarazi

Yanditswe kuya 31-10-2016 saa 17:22' na Cyprien Niyomwungeri


Abaturage barenga miliyoni babarizwa mu cyiciro cya mbere cy’Ubudehe, bagiye gufashwa na leta kubona amashanyarazi akomoka ku mirasire y’izuba.

Raporo nshya ya Minisiteri y’ubutegetsi bw’igihugu, Minaloc, igaragaza ko icyiciro cya mbere cy’Ubudehe kigizwe n’ingo 376,192 zigizwe n’abantu 1,480,167 ni ukuvuga ko ari 16% by’Abanyarwanda bose.

Mu kiganiro n’abanyamakuru kuri uyu wa Mbere tariki 31 Ukwakira, Umuyobozi w’Ikigo cy’Igihugu gishinzwe ingufu, REG, Jean Bosco Mugiraneza, yatangaje ko leta igiye gufasha bariya baturage kubona amashanyarazi muri gahunda yayo yo kuba nibura 70% by’ingo zizaba zifite amashanyarazi muri 2017.

Yagize ati “Abaturage bari mu cyiciro cya mbere cy’Ubudehe kubera ubushobozi bwabo buke mu buryo bw’amikoro, leta izabafasha kugirango babone ayo mashanyarazi aturutse ku mirasire y’izuba.”

Iyi gahunda yo kubafasha kubona amashanyarazi iriyongera ku zindi zagenewe kubafasha kwivana mu bukene, zirimo nka Girinka, Ubudehe, VUP n’izindi.

Iki cyiciro gisobanurwa nk’ikirimo abantu bakeneye kwitabwaho byihariye kuko kigizwe n’abadafite inzu, abatanabona uburyo bworoshye bwo kuzikodesha kuko baninjiza amafaranga bibagoye, ababona ibibatunga bibagoye cyangwa ababyeyi bagasimburana n’abana kurya.

Guverinoma y’u Rwanda iherutse gusinyana amasezerano n’amasosiyete yigenga 13 atanga ingufu zikomoka ku mirasire y’izuba kugira ngo muri 2018, nibura 22% by’ingo z’abaturarwanda zizabe zikoresha amashanyarazi aturuka ku mirasire y’izuba.

Mugiraneza asanga aya masezerano n’izi ngufu zishyirwa mu guteza imbere ikoreshwa ry’amashanyarazi akomoka ku zuba, bizatuma ibiciro by’aya mashanyarazi bigabanuka kuko hari amasosiyete menshi azapiganirwa amasoko.

Guverinoma y’u Rwanda ifite intego yo kugeza amashanyarazi akomoka ku zuba ku ngo zigera kuri 22% n’adakomoka ku zuba ku ngo zigera kuri 48% muri 2018. Ubungubu ingufu z’amashanyarazi aturuka ku mirasire y’izuba ziri mu ngo zingana n’ibihumbi 47, amashuri 260 amavuriro 163, na ho akomoka ku muyoboro munini ari mu ngo 28%.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved