Kwamamaza

Malawi igiye kwiga byimbitse ku munyemali Murekezi ushinjwa Jenoside

Yanditswe kuya 23-11-2016 saa 14:42' na Cyprien Niyomwungeri


Minisitiri w’umutekano muri Malawi, yatangaje ko nta kindi yari azi ku munyarwanda Vincent Murekezi uretse kuba umunyemali ukomeye muri kiriya gihugu, avuga ko agiye kumwigaho akamenya ibimuvugwaho byose birimo uruhare yagize muri Jenoside yakorewe Abatutsi mu 1994.

Murekezi ari ku rutonde rw’abashakishwa n’ubutabera bw’u Rwanda na Polisi mpuzamahanga kubera uruhare akekwaho muri Jenoside.

Minisitiri Grace Chiumia, yavuze ko azi Murekezi nk’umunyemali ariko Guverinoma ya Malawi nta makuru ifite ku bijyanye n’uruhare rwe muri Jenoside.

Hari amakuru yemeza ko Murekezi yahawe pasiporo ya Malawi ifite numero MA606888 mu buriganya kuko bivugwa ko yatanze ruswa mu nzego z’abinjira n’abasohoka mu 2011, ayihabwa nk’Umunya- Malawi witwa Vincent Banda ukomoka mu gace ka Mbeya muri Tanzania.

Mbere akaba yarakoreshaga indi pasiporo ifite nimero PC939663 igaragaza ko yavukiye i Ngoma mu karere ka Huye mu Rwanda. Aya makuru ni nayo agaragazwa n’u Rwanda ku mpapuro zimushakisha nk’ukekwaho Jenoside.

Nkuko Nyasa Times kibitangaza, Chiuma yavuze ko yamaze gusaba ibiro bishinzwe n’abasohoka kumuha imyirondoro n’impapuro zose zifite aho zihuriye na Murekezi kandi agiye kubikurikirana ubwe.

Yagize ati “Nzaba niga kuri dosiye ye kugira ngo mbone umuzi w’ibiri gutangazwa byose.”

Impirimbanyi y’uburenganzira bwa muntu, Undule Mwakasungula, yasabye Guverinoma ya Malawi gukorana bya hafi n’u Rwanda n’umuryango mpuzamahanga mu iperereza no mu guhinyuza ibitangazwa.

Umuvugizi w’ibiro bishinzwe abinjira n’abasohoka muri Malawi Joseph Chauwa, yemeje ko Murekezi afite pasiporo ya Malawi kandi yujuje ibisabwa byose ngo ahabwe ubwenegihugu n’urwandiko rw’inzira.

Murekezi aba muri Malawi kuva mu 2003.

Indi nkuru wasoma: http://www.igihe.com/amakuru/u-rwanda/article/polisi-ya-malawi-irashinjwa-gukingira-ikibaba-vincent-murekezi-ushinjwa-ibyaha

Minisitiri w'Umutekano muri Malawi, Grace Chiumia

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved