Kwamamaza

Miliyari 2 Frw zigiye gushyirwa mu kuzamura imibereho y’abaturage mu turere tune

Yanditswe kuya 8-11-2016 saa 07:05' na Rabbi Malo Umucunguzi


Miliyari zisaga ebyiri z’amafaranga y’u Rwanda zigiye gukoreshwa mu guteza imbere imibereho y’abaturage, mu mushinga uzahera mu turere twa Gakenke, Gisagara, Nyagatare na Rutsiro, aho buri karere kazahabwa angana na miliyoni 540 Frw.

Aya mafaranga ari mu kigega cyatewe inkunga n’u Bubiligi azagenda ahabwa imishinga y’amashyirahamwe, amakoperative ndetse n’amasosiyete y’abikorera agamije guteza imbere imibereho y’abaturage anatanga akazi ku bantu benshi.

Nk’uko Radio Rwanda yabitangaje, amashyirahamwe n’abikora bo mu Karere ka Gakenke bavuga ko biteguye kwegera iki kigega ngo babashe kwagura ibikorwa byabo.

Uwitwa Nyirabagwaneza Epiphanie uhagarariye Koperative Isaro Cyabingo ikora ubukorikori, yagize ati “Mu by’ukuri aya mafaranga y’inkunga twayishimiye, ko tuzazamura tukabona icyerekezo. Agiye gutuma ibikorwa byacu byihuta.’’

Umuyobozi w’Akarere ka Gakenke Nzamwita Deogratias yavuze ko inzego zose zigiye gufashanya kugira ngo bafashe abaturage gutegura imishinga bizatume iyi nkunga ikoreshwa neza.

Ati “Ubu mu Mirenge yose dufite abafashamyumvire, ndetse no mu bindi bikorwa nk’abo mu kigega cya BDF icyo bazakora ni ugufasha abaturage gukora imishinga cyane cyane ko ntabwo izaba yanditse mu Cyongereza gusa, izaba iri no mu Kinyarwanda. Uretse n’abo kandi n’abakozi b’Akarere nicyo bashinzwe.’’

Umunyamabanga Uhoraho muri Minisiteri y’Ubutegetsi bw’Igihugu, Odette Uwamariya, yavuze ko iyi mishinga igomba gucungwa neza kandi igatanga umusaruro itegerejweho.

Ati “Hazirikanwe y’uko icyifuzwa ari uko uwo mushinga ugomba kugira ingaruka nziza ku bawukoze, cyane cyane hakirindwa ko amafaranga leta iba yashyizemo imbaraga mu gushaka harimo n’ubufatanye bw’abafatanyabikorwa, bazirikane ko akoreshejwe neza, mu guhitamo imishinga, batoranye iyo abaturage bahuriyeho, izagirira akamaro benshi, izatuma iki gikorwa dutangiye kiramba.’’

Akarere ka Gakenke katangiriwemo uyu mushinga wo kuzamura imibereho y’abaturage, ni kamwe mu turere twakomeje kuza inyuma mu Mihigo ngarukamwaka, hakagaragara impamvu zihariye zirimo imiterere y’akarere mu kudindiza iterambere ryako.

Abaturage bari mu bikorwa byo kuhira

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved