Minaloc ntishira amakenga inkubiri yo kwegura kwa ba Gitifu b’Imirenge

Yanditswe na Jean Pierre Tuyisenge
Kuya 26 Ukwakira 2016 saa 07:05
Yasuwe :
0 0

Minisiteri y’Ubutegetsi bw’Igihugu Minaloc, yatangaje ko igiye kugenzura icyaba gituma Abanyamabanga Nshingabikorwa b’Imirenge bakomeje kwegura igitaraganya bose bavuga ko ari ku mpamvu zabo bwite.

Iyi Minisiteri ivuze ibi, nyuma y’uko abanyamabanga Nshingwabikorwa basaga 40 hirya no hino mu turere tw’igihugu beguriye, hafi ya bose bagatangaza ko beguye ku mpamvu zabo bwite.

Umunyamabanga wa Leta muri Minisiteri y’Ubutegetsi bw’Igihugu ushinzwe iterambere ry’abaturage, Vincent Munyeshyaka aganira na Isango Star, yatangaje ko bagiye gukurikirana bakareba niba nta makosa basize bakoze.

Yagize ati “Ni ibintu tugiye gukora tugasuzuma niba nta kintu kidasanzwe cyabaye, hakabaho kureba niba nta kibazo kirimo.Ubusanzwe umuntu ukora akaba yishimiye akazi, akaba yishimiye umushahara agenerwa ntihakabayemo kwegura. Kwegura rero burya biba ari uruhurirane rw’ibintu byinshi ndetse n’icyo cyo kudakora neza cyazamo.”

Abamaze kwegura

Mu Ntara y’Amajyepfo, harimo batatu bo mu Karere ka Nyamagabe, babiri bo muri Gisagara mu Mirenge ya Gikonko na Muganza, babiri ba Nyaruguru, Kamonyi hasezeye umwe, mu gihe mu Karere ka Ruhango ari babiri bo mu Mirenge ya Ruhango na Ntongwe.

Mu Mujyi wa Kigali, muri Kicukiro hasezeye Abanyamabanga Nshingwabikorwa b’Imirenge ya Niboyi na Gahanga. Muri Nyarugenge ni ab’ Imirenge ya Mageragere, Nyamirambo, Kanyinya na Rwezamenyo.

Mu Ntara y’Amajyaruguru ni ab’ Imirenge ya Musanze na Shingiro muri Musanze, imirenge ine yo muri Rulindo n’ine yo muri Gakenke.

Mu Ntara y’i Burasirazuba, muri Nyagatare harimo ab’imirenge ya Gatunda, Rwimiyaga na Musheri.

Mu Ntara y’Iburengerezuba hasezeye abo mu Mirenge ya Gashonga, Nkungu, Butare na Nkombo mu Karere ka Rusizi ndetse n’uwari ushinzwe ishami rya BDE ku rwego rw’akarere wahoze ari Umunyamabanga Nshingwabikorwa w’Umurenge wa Nyakarenzo.

Icyo gihe , Umuyobozi w’Akarere ka Rusizi, Frédéric Harerimana, yabwiye IGIHE ko yakiriye amabaruwa y’aba Banyamabanga Nshingwabikorwa b’iyi mirenge avuga ko beguye ku mpamvu zabo bwite. Gusa akomokaz ku bivugwa.

Ati “Imirenge bagiye bayobora habayemo ibibazo by’imicungire mibi ya VUP. Bashobora kuba babona ko iyo micungire itabaye myiza bakabona ko batagifite impamvu zo gukomeza kuyobora bityo bagahitamo kwegura.”

Umunyamabanga wa Leta muri Minisiteri y’Ubutegetsi bw’Igihugu ushinzwe iterambere ry’abaturage, Munyeshyaka Vincent

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244