Kwamamaza

Minaloc yasobanuye icyihishe inyuma y’itinda ry’inkunga y’ingoboka n’iya VUP

Yanditswe kuya 21-11-2016 saa 21:12' na Jean Pierre Tuyisenge


Minisiteri y’Ubutegetsi bw’Igihugu yasobanuye impamvu bamwe mu baturage bagenewe amafaranga y’inkunga y’ingoboka na VUP batinda kuyabona zirimo kuba lisiti zari zitaranozwa neza.

Umunyamabanga wa Leta ushinzwe imibereho myiza no kurengera abaturage muri Minisiteri y’Ubutegetsi bw’Igihugu, Dr Alvera Mukabaramba yavuze ko hari abantu bagiye bibura, gukosora amakuru atari yo bagiye batanga bikaba byaratumye kugeza ubu hari abadahabwa imfashanyo bari bagenewe.

Ibi yabitangarije abanyamakuru nyuma y’inama yahuje Minaloc n’abayobozi b’uturere twa Nyarugenge , Gasabo, na Kicukiro bareba uko gahunda za VUP zihagaze, uko gukosora amakuru y’ibyiciro by’ubudehe bihagaze, ibibazo mu misanzu ya mituweli, ingamba zo gukangurira abaturage kubaka imisarane n’itangwa ry’inzititiramibu yabaye kuri uyu wa 21 Ugushyingo 2016.

Yagize ati “Buri gihe mu ntangiriro z’umwaka ingengo y’imari imwe iba yarangiye hagiye kuza indi, akarere kaba kagomba gusaba amafaranga, izo nzira zo kuyasaba , kunoza lisiti neza ni byo usanga bituma bitinda. Igihembwe cya mbere biratinda ariko igikurikiraho ntabwo bitinda.”

Dr. Mukabaramba yavuze ko lisiti z’abagenerwabikorwa zibanza gusuzumwa n’ikigo cyo guteza imbere ibikorwa by’iterambere mu nzego z’ibanze (LODA), kugira ngo inkunga igere ku bo igenewe.

Uturere tugize umujyi wa Kigali twagaragaje umubare w’abaturage bagenewe inkunga, aho mu karere ka Nyarugenge bagera kuri 682, Gasabo 2008 bagomba kuyihabwa ariko 1132 ni bob amaze kuyihabwa, naho Kicukiro hemejwe abantu 916.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved