Kwamamaza

Mu 2018, hazatangira ibizamini bishingiye ku mfashanyigisho nshya

Yanditswe kuya 18-10-2016 saa 17:33' na Jean Pierre Tuyisenge


Minisiteri y’Uburezi yatangaje ko yatangiye gushyira mu mashuri imfashanyigisho izafasha abanyeshuri kurangiza kwiga bihangira imirimo aho kujya gusaba akazi.

Kuri uyu wa 18 Ukwakira, Iyi Minisiteri yagiranye inama n’Ishami ry’Umuryango w’Abibumbye ryita ku Burezi, Ubumenyi n’Umuco UNESCO n’abandi bafatanyabikorwa mu by’Uburezi igamije kureba icyakorwa kugira ngo ingingo ya Kane mu Nkingi y’iterambere rirambye mu by’Uburezi (SDG4) Isi yihaye izabe yagezweho muri 2030.

Umunyamabanga wa Leta Ushinzwe Amashuri Abanza n’Ayisumbuye, Isaac Munyakazi, yavuze ko mu ngingo 17 zikubiyemo, imwe ivuga ku kwita ku burezi bufite ireme kandi ngo u Rwanda hari byinshi rwamaze gukora ngo izagerweho.

Yagize ati “ Ku kirebana n’ireme ry’Uburezi, hari byinshi twamaze gukora, ubu imfashanyigisho zamaze gutegurwa ziratuganisha ku ireme ry’uburezi, hariho gutekerezwa uburyo umwana w’Umunyarwanda yasohoka afite ubushobozi bwo kwihangira imirimo, kurusha uko yava mu ishuri ajya gusaba akazi.”

Avuga ko iyo ari yo mfashanyigisho nshya batangiye iri gushyirwa mu mashuri atandukanye ku buryo ngo mu mwaka wa 2018, bateganya ko abana bazaba bamaze kwinjira muri iyo gahunda bazakora ibizamini bikazareberwaho itandukaniro n’abakoreshaga isanzwe.

Iyi Minisiteri isobanura ko iyo mfashanyigisho ikubiyemo uburyo bworohereza umwana kumenya vuba ibyo yiga, kuko ngo imuha umwanya munini wo gukora kurusha kumara igihe abwirwa amagambo (theory).

Ivuga kandi ko hagiye kongerwa amahugurwa y’abarimu kugira ngo bamenye uburyo bagomba gukora akazi kabo neza n’ireme ry’uburezi ribashe kugerwaho.

Iyi ngingo bayihuza n’Uhagarariye UNESCO mu Rwanda, Peter Wallet ,yavuze ko kugira ngo u Rwanda ruzagere kuri izi ntego hakenewe ko abarimu bafashwa.

Ati “ SDGs ireba cyane icyakorwa kugira ngo uburezi bufite ireme bw’umwana buruseho gutera imbere, ibi rero kubigeraho bisaba guhugura abarimu, kureba ibikoresho no kwita kuri gahunda zafasha muri ibi.

Inama Mpuzamahanga yiga ku burezi yateraniye muri Korea y’Epfo muri Gicurasi 2015, yari ihuriyemo abahagarariye ibihugu 160 byo ku Isi, Sosiyete Sivile, abarimu, abahanga mu by’Uburezi, bashyizeho Inkingi y’iterambere rirambye mu by’Uburezi, SDGs.

Muri Nzeri 2015, ibihugu bigize Umuryango w’Abibumbye byahuriye mu nama yigaga kuri iyo gahunda yabereye i New York muri Leta Zunze Ubumwe za Amerika. Ni gahunda iteganyijwe kuba yagezweho mu mwaka wa 2030, ifite ingingo 17, iya kane muri zo ikaba ivuga k’ukwimakaza uburezi bufite ireme.

Umunyamabanga wa Leta Ushinzwe Amashuri abanza n’ayisumbuye Isaac Munyakazi
JPEG - 255.1 kb
Uhagarariye UNESCO mu Rwanda, Peter Wallet

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved