Minisitiri w’Intebe w’u Buhinde yashyize mu bikorwa amasezerano yagiranye na Perezida Kagame

Yanditswe na Cyprien Niyomwungeri
Kuya 16 Gashyantare 2017 saa 10:23
Yasuwe :
2 0

Inama y’Abaminisitiri mu Buhinde yabaye ejo kuwa Gatatu iyobowe na Minisitiri w’Intebe, Narendra Modi, yemeje isinywa ry’amasezerano mu bijyanye n’ubwikorezi bw’indege hagati y’icyo gihugu n’u Rwanda.

Ibinyamakuru byo mu Buhinde, Ani Feed, cyanditse ko ayo masezerano agamije kuzamura ubucuruzi, ishoramari, ubukerarugendo no gusangira umuco hagati y’ibihugu byombi, ndetse akanateza imbere ubwikorezi bw’indege za gisivili.

Aya masezerano kandi azanoza imikoranire hagati y’amasosiyete y’ubwikorezi bw’indege mu bihugu byombi, byongere ubucuruzi n’umutekano byayo.

Intambwe imaze guterwa izatuma ubuhahirane bw’u Rwanda n’u Buhinde bworoha. Mu ruzinduko rw’akazi Perezida Kagame yagiriye muri icyo gihugu kuva tariki ya 9 kugeza 11 Mutarama 2017, yatangaje ko hazafungurwa urugendo rw’indege ya RwandAir izajya iva i Kigali yerekeza Mumbai.

I Mumbai, iyi kompanyi y’indege izajya igerayo idahagaze inshuro enye mu cyumweru.

RwandAir iherutse kugura indege nini zizayifasha gukora ingendo ndende idahagaze. Uyu mwaka bikaba byitezwe ko indege zayo zizatangira kwerekeza i New York muri Amerika, i Londres mu Bwongereza, Mumbai mu Buhinde.

Muri Afurika, RwandAir izerekeza i Harare muri Zimbabwe, Lilongwe muri Malawi, Conakry, Bamako muri Afurika y’Uburengerazuba n’ahandi.

Perezida Kagame ubwo yajyaga mu Buhinde kuwa 10 Mutarama 2017

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza