Kwamamaza

Minisitiri w’Intebe yashimiye Perezida Kagame icyizere yakomeje kumugirira

Yanditswe kuya 8-10-2016 saa 16:22' na Ntakirutimana Deus


Minisitiri w’Intebe, Murekezi Anastase yashimiye Perezida wa Repubulika, Paul Kagame wamugiriye icyizere cyo gukomeza kuyobora Guverinoma mu mpinduka aherutse gukora mu ntangiriro z’iki cyumweru.

Minisitiri Murekezi wo mu ishyaka riharanira Demokarasi n’Imibereho myiza y’abaturage (PSD) aherutse gukomeza kugirirwa icyizere cyo kuguma ku mwanya wa Minisitiri w’Intebe, yatangaje ko azakomeza gukora ibigamije imibereho myiza y’Abanyarwanda.

Yabigarutseho ubwo yari mu nama ya Biro Politiki y’Ishyaka PSD kuri uyu wa Gatandatu tariki ya 8 Ukwakira 2016.

Minisitiri Murekezi yavuze ko yabyakiranye ibyishimo, ubwitonzi ndetse no kwicisha bugufi, dore ko ngo ari byo yiyemeje kugenderaho.

Ati “Ndashimira mbere na mbere Perezida wa Repubulika wangiriye icyo cyizere[...] Ndashimira kandi abandi bayobozi mu nzego zose n’abayoboke ba PSD ko muhora mumba hafi mukangira inama nziza zubaka uhereye mu kubaka ubumwe n’ubwiyunge bw’Abanyarwanda….”

Umukuru wa Guverinoma yavuze ko we n’abo bafatanya bazakomeza guharanira icyateza Abanyarwanda imbere.

Ati “Ivugururwa rya Guverinoma riherutse gukorwa muri iki cyumweru rirashimangira icyerekezo igihugu cyacu cyiyemeje cyo kwihuta mu majyambere y’ubukungu. Ariko atari ubukungu gusa butera imbere, ahubwo ari ubutuma imibereho myiza y’abaturage irushaho kuzamuka mu buryo bwihuta, kandi abaturage nabo ubwabo bakaba babigizemo uruhare rugaragara.”

Minisitiri Murekezi yavuze ko iyo gahunda ijyana neza n’ibikubiye muri manifesto y’ishyaka PSD rimaze imyaka 25 ryigisha Demokarasi n’Imibereho myiza y’abaturage mu Rwanda.

Iryo shyaka ngo riri mu myanya itandukanye mu buyobozi bw’igihugu, rikaba ribyishimiye, kandi ngo rikazakomeza kurangwa na politiki nziza.

Ati “Ishyaka PSD riri muri Guverinoma y’Ubumwe kandi rizayigumamo nirikomeza gukora neza, kandi turabyizeye dukorana neza n’indi mitwe ya Politiki mu Nteko Ishinga Amategeko, tugahurira no muri guverinoma no mu zindi nzego z’ubuyobozi. Nagiye mbikurikiranira hafi mu gihe kirekire maze muri politiki cyane nyuma yo kubohora igihugu.”

Minisitiri Murekezi ni umwe mu baminisitiri 18 bagarutse muri Guverinoma igizwe na Minisiteri 19 yatangajwe ku wa 4 Ukwakira 2016.

Inkuru bifitanye isano: Perezida Kagame yavuguruye Guverinoma, abayobozi b’inzego na ba Guverineri b’Intara

Minisitiri w'Intebe, Anastase Murekezi yashimiye Perezida Kagame wamugiriye icyizere cyo gukomeza kuyobora Guverinoma
Abayobozi b'ishyaka riharanira Demokarasi n'Imibereho myiza y'Abaturage (PSD)
Abayoboke ba PSD mu nama ya Biro Politiki y’Ishyaka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved