Miss Grace Bahati yashimagije umukunzi we wujuje imyaka 30

Yanditswe na Uwiduhaye Theos
Kuya 31 Gicurasi 2019 saa 09:15
Yasuwe :
0 0

Bahati Grace wabaye Nyampinga w’u Rwanda mu 2009, yashimagije umusore bamaze igihe bakundana wujuje imyaka 30 akandagiye ku Isi y’abazima.

Mu mpera z’umwaka ushize nibwo Bahati yatangiye kujya aca amarenga y’uko ari mu rukundo nyuma yo gutandukana na K8 Kavuyo banafitanye umwana.

Uyu musore witwa Pacy wasimbuye K8 Kavuyo mu mutima wa Bahati Grace, ubusanzwe aba muri Canada ariko ajya asura uwo yihebeye muri Leta zunze Ubumwe za Amerika aho akorera ibijyanye n’ubuvuzi.

Mu ntangiro z’uyu mwaka Bahati yashimangiye ko ari mu bakobwa bishimye muri iki gihe maze ashyira hanze ifoto ari kumwe n’uyu musore ashimangira ko ari we watumye umwaka wa 2018 umubera akataraboneka.

Hari n’igihe Bahati Grace yashyize ifoto kuri Instagram yemeza ko uyu mukunzi we ‘ari umusore utinya Imana’.

Ubu Bahati yongeye gushyira hanze ubutumwa bwo kwifuriza isabukuru nziza umukunzi we amuvuga imyato.

Ati “Isabukuru nziza y’imyaka 30 rukundo. Uri urugero rw’umunyakuri, urukundo ndetse no kwicisha bugufi no kugira urugwiro. Amagambo yanjye ni meza birenze kuko uyarimo.”

Mu 2012 nibwo Bahati Grace na Kavuyo bibarutse imfura yabo bise Muhire Ethan. Nyuma y’igihe gito bahita batandukana buri wese aca ukwe.

K8 Kavuyo nawe mu 2015 yaje kubyarana n’undi mukobwa witwa Umutoni Cynthia bari no mu mishinga yo kuzarwubakana, umwana wabo bamwise Zion Iliza Muhire.

Bahati yishimira ko yabonye umusore bakundana utinya Imana
Bahati Grace ari mu rukundo n'umusore witwa Pacy

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza