Kwamamaza

Mu mezi abiri ashize Sacco eshanu zibwe n’abayobozi bazo

Yanditswe kuya 22-10-2016 saa 14:05' na Emma Marie Umurerwa


Umuyobozi w’Ikigo cy’Igihugu gishinzwe amakoperative, RCA (Rwanda Cooperative Agency) yavuze ko benshi mu biba amafaranga y’abanyamuryango ba za Sacco ari abayobozi, abaperezida bazo hamwe n’abakozi. Mu mezi abiri ashize, Sacco eshanu zikaba zaribwe.

Apollo Munanura, Umuyobozi wa RCA avuga ko bamwe mu bayobozi b’Imirenge Sacco atari inyangamugayo, ngo kuko hari abitiranya amafaranga y’abanyamuryango n’ayabo bwite.

Ibi yabitangarije mu nama yahuje abayobozi b’Imirenge Sacco 416 yo mu Gihugu hose, tariki ya 13 Ukwakira 2016, ku ngingo zitandukanye zirimo iyo gucunga umutekano w’amafaranga, gukoresha ikoranabuhanga n’izindi.

Yagize ati “Imirenge Sacco imwe n’imwe igenda yibwa n’abakozi bayo. Mu mezi abiri ashize imirenge Sacco itanu yibwe n’abayobozi bayo n’abandi bakozi. Hari ingamba turi gushyiraho kugira ngo tuburizemo imigambi mibi y’ubujura.”

Yakomeje avuga ko nubwo hari umutekano muke uterwa n’abajura hari n’umutekano muke uterwa n’abayobozi.

Ati “Tuvuge na wa mutekano muke uterwa n’abayobozi na ba perezida wo kurya amafaranga, ubanza muyitiranya ko ari ayanyu kandi ari ay’abanyamuryango. Iyo ngeso na yo irahari ntabwo ari mwese ariko harimo bamwe muri mwe.”

Munanura yakomeje avuga ko amazi atari yayandi ngo ingamba zitandukanye zafashwe hagamijwe kurinda umutekano w’abanyamuryango.

Yagize ati “Ubuyobozi bw’Imirenge Sacco bwitiranya amafaranga y’abanyamuryango ko ari ayabo, iminsi yabo irabarirwa ku ntoki. Bya bindi mwari mumenyereye ngo tuje mu bugenzuzi ngo dutegereje ubushinjacyaha, ngo byatinze , ibyo byarangiranye n’igihe cyabyo. Urarya rukurya. Kuki muha akazi abayobozi b’abajura. Tugiye gukorana n’inzego zose kugira ngo icyaha cyo kunyereza umutungo w’Umurenge Sacco tukigire icyaha kiremereye cyane.”

Uyu muyobozi abajijwe ku kijyanye n’umubare w’amafaranga amaze kwibwa mu Mirenge Sacco yasubije agira ati “Uko yaba angana kose kuki yaba yaribwe? Ikibazo ntabwo ari ingano y’amafaranga yibwe, ahubwo kubera iki yibwe?”

Ikoranabuhanga ni imwe mu ngamba zafashwe na RCA mu rwego rwo gucunga umuteno w’amafaranga y’abanyamuryango b’Umurenge Sacco. Ubu buryo bukaba bwaramaze gutegurwa hanahugurwa abazafasha guhugura abandi.

Apollo Munanura, Umuyobozi wa RCA avuga ko bamwe mu bayobozi b’Imirenge Sacco atari inyangamugayo,
Abayobozi b'Imirenge Sacco bari bitabiriye inama ari benshi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved