Kwamamaza

Mugimba na Iyamuremye bakekwaho Jenoside bagejejwe mu Rwanda (Amafoto)

Yanditswe kuya 12-11-2016 saa 19:24' na Girinema Philbert


Saa moya z’ijoro kuri uyu wa Gatandatu tariki ya 12 Ugushyingo 2016, nibwo indege y’ikompanyi y’Ubwami bw’u Buholandi, KLM, yasesekaye ku kibuga cy’indege i Kanombe, irimo Mugimba Jean Baptiste na Iyamuremyue Jean Claude, bombi bakekwaho kugira uruhare muri Jenoside yakorewe Abatutsi.

Aba bagabo bakandagiye ku butaka bw’u Rwanda ku isaha ya saa moya n’igice. Mugimba yazanywe mu Rwanda yambaye ipantalo n’ikoti by’ikijuju imbere harimo ishati yera yambaye n’indorerwamo z’amaso, naho Iyamuremye yambaye ipantalo n’ikoti by’umukara hamwe n’ishati irimo amabara atukura.

Bagishyikirizwa ubutabera, buri wese yahise ahabwa umwunganizi mu mategeko washatswe n’urugaga rw’abavoka, amenyeshwa ibyaha akurikiranyweho. Mu rubanza rwabo, hazaba harimo abagenzuzi n’umusemuzi nk’uko byasabwe n’ubutabera bw’u Buholandi ndetse.

Umuvugizi w’Ubushinjacyaha bukuru bw’u Rwanda, Nkusi Faustin, yavuze ko atari ubwa mbere u Buholandi bwohereza abakekwaho ibyaha bya Jenoside ndetse ko no mu gihe gishize hari bamwe bwaburanishije bagakatirwa.

Mugimba Jean Baptiste yari umukozi wa Banki Nkuru y’Igihugu akaba n’Umunyamabanga Mukuru w’ishyaka rya CDR.

Nkusi yavuze ko ‘ hari ibyo tumukekaho yakoreye muri Kigali by’umwihariko muri Nyakabanda ahaguye imbaga y’abatutsi, dukeka ko yabigizemo uruhare kuko amakuru dufite n’iperereza twakoze n’ibyo abatangabuhamya batugaragariza, yagize uruhare.”

Kuri Iyamuremyue Jean Claude, Nkusi yagize ati “ We muzi imbaga y’abatutsi yari yarahungiye kuri ETO Kicukiro. Hari abatutsi barenga ibihumbi 3 bari barahahungiye ndetse banahaguye. Ibikorwa tumukekaho ni iby’aho ngaho muri ETO Kicukiro no mu nkengero zaho.”

Iyamuremye yavutse ku itariki 14 Ukuboza 1975 mu yahoze ari Gatare muri Segiteri ya Kicukiro mu Mujyi wa Kigali naho Mugimba yavutse ku itariki 24 Ukwakira 1959, mu yahoze ari Komini Mutura muri Perefegitura Gisenyi. Mu 1994 yabaga mu Nyakabanda mu Mujyi wa Kigali.

Indege y'Ikompanyi ya KLM yazanye Mugimba na Iyamuremye isesekara i Kanombe
Inzego z'umutekano zari zitegereje ko aba bagabo basohoka mu ndege
Mugimba na Iyamuremye bahise bambikwa amapingu
Mugimba Jean Baptiste mu maboko ya Polisi
Mugimba Jean Baptiste yari umukozi wa Banki Nkuru y’Igihugu akaba n’Umunyamabanga Mukuru w’ishyaka rya CDR
Imodoka ya Polisi yakuye Iyamuremye na Mugimba ku kibuga cy'indege
Iyamuremye Jean Claude amaze kugezwa mu maboko ya Polisi
Mugimba Jean Baptiste na Iyamuremye Jean Claude bombi bakurikiranyweho uruhare muri Jenoside yakorewe Abatutsi
Mugimba aganira n'Umwunganizi mu mategeko yahawe
Umusemuzi muri uru rubanza

Umugenzuzi uzaba ukurikirana imiburanishirize y'urubanza
Umuvugizi w’Ubushinjacyaha bukuru bw’u Rwanda, Nkusi Faustin, yashimye intambwe u Buholandi bwateye yo kohereza abakekwaho ibyaha bya Jenoside kuburanira mu Rwanda
Umuyobozi Mukuru ushinzwe gushakisha abakekwaho ibyaha bya Jenoside yakorewe Abatutsi muri Mata 1994, Siboyintore Jean Bosco

Amafoto:Luqman Mahoro


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved