Musanze: Abanyamabanga Nshingwabikorwa b’imirenge ibiri beguye

Yanditswe na Philbert Girinema
Kuya 21 Ukwakira 2016 saa 07:01
Yasuwe : XX
0

Umunyamabanga Nshingwabikorwa w’Umurenge wa Musanze Mimi Justin n’uw’Umurenge wa Shingiro yombi yo mu Karere ka Musanze, Iyakaremye Aimable, beguye ku mirimo yabo ‘ku mpamvu zabo bwite’.

Amakuru y’iyegura ry’aba bayobozi yamenyekanye mu gitondo cyo kuri uyu wa Gatanu dore ko amabaruwa yabo yashyikirijwe Ubuyobozi bw’Akarere ka Musanze ku mugoroba wo kuri uyu Kane nk’uko byemezwa n’Umuyobozi w’Agateganyo w’aka karere, Habyarimana Jean Damascène.

Yagize ati “Amabaruwa asaba kwegura twaraye tuyakiriye, ubu hararebwa impamvu z’ubu bwegure nizemezwa hashakwe uburyo iyi mirenge yaba iyobowe kuko bose bamenyesheje ko beguye ku mpamvu zabo bwite.”

Akomeza avuga ko nta makosa mu kazi azi baba baregwa gusa ngo nayo agaragaye nyuma babikurikiranwaho.

Aba banyamabanga Nshingwabikorwa beguye, basanzwe bamenyerewe mu buyobozi bw’inzego z’ibanze aho nka Mimi Justin yatangiye iyi mirimo ayoboye Umurenge wa Kimonyi kuva mu 2004 nyuma ajya mu wa Rwaza. Naho mugenzi we Iyakaremye Aimable wayoboraga Umurenge wa Shingiro yigeze kuba Umuyobozi ushinzwe imiyoborere myiza mu Karere ka Musanze.

bazatsinda@igihe.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza