Kwamamaza

Musanze:Abaturage 52 batangiwe mituweli n’abanyeshuri bo muri Wisdom School

Yanditswe kuya 15-10-2016 saa 12:47' na Jean Claude Bazatsinda


Abanyeshuri biga muri ‘Wisdom School’ riherereye mu Karere ka Musanze, batangiye abantu 52 ubwisungane mu kwivuza, igikorwa basanishije n’indangagaciro zo gukunda igihugu n’abagituye.

Iki gikorwa bakigezeho mu gukusanya umusanzu w’amafaranga uko buri munyeshuri yifite.

Abatangiwe mituweli ni abo mu karere ka Musanze mu murenge wa Cyuve aho baheruka gufunga abatarayitanga n’amatungo yabo.

Manzi Aimé, umwe muri aba banyeshuri wiga mu mashuri abanza yagize ati “Gufasha abatishoboye biri mu ndangagaciro yo gukunda igihugu no kugiteza imbere.”

Habiyaremye Elisa, wiga mu mwaka wa gatatu w’amashuri yisumbuye na we yagize ati “Nitwe mbaraga z’igihugu, tugomba kugikorera buri wese agashyiraho umusanzu we, iyi ni intangiriro kandi tubonye ko bishoboka, tuzakomeza tugeze n’aho tuzubakira bamwe.”

Bamwe mu bahawe ubu bwisungane bishimiye iki gikorwa bemeza ko u Rwanda rugana aheza kuko rufite abato barutekerezaho kandi bashishikajwe no kugikorera.

Nyirabazamanza Xaverine afite umuryango w’abantu batanu yagize ati “Kuba aba bana batekereje ko natwe ababyeyi babo tutishoboye birerekana ko abana batekereza igihugu kandi bashishikajwe no kugikorera.”

Munyarusisiro Félicien w’imyaka 65 na we yagize ati “Mfite umuryango w’abantu icyenda; ni ubwa mbere mbonye mituweli kuva iyi gahunda yatangira, biranshimishije cyane kuba aba bana badufashije.”

Nduwayezu Elie, Umuyobozi wa Wisdom School yagize ati “Aba bana batugejejeho igitekerezo cyo gutangira abantu mituweli, twumva koko ari icyo gushyigikirwa kandi bakigezeho kuko na bo batanze umusanzu mu muryango nyarwanda.”

Umunyamabanga Nshingwabikorwa w’Umurenge wa Cyuve, Manzi Jean Pierre we yagize ati “Abanyarwanda ntibagomba gusigana mu iterambere, ibi bigaragarira mu bikorwa nk’ibi kandi igishimishije ni uko abana bato aribo bafashe iyambere.”

Kuri ubu abagera kuri 78% nibo bamaze gutanga umusanzu w’ubwisungane mu kwivuza mu murenge wa Cyuve.

Abanyeshuri bashyikiriza ubuyobozi bw'Umurenge, umusanzu w'abantu 52
Bamwe mu batangiwe ubwisungane mu kwivuza
Nduwayezu Elie, Umuyobozi wa Wisdom School
Umunyamabanga Nshingwabikorwa w'Umurenge wa Cyuve(hagati), Manzi Jean Pierre

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved