Kwamamaza

Abunzi bagiye guhabwa amagare bemerewe na Perezida

Yanditswe kuya 19-10-2016 saa 10:01' na Bazatsinda Jean Claude


Minisitiri w’Ubutabera akaba n’Intumwa Nkuru ya Leta, Johnston Busingye yizeje Abunzi bo mu Karere ka Musanze ko bagiye guhabwa amagare bemerewe n’Umukuru w’Igihugu azabafasha mu kazi kabo ko kunga Abanyarwanda.

Ibi yabitangaje ubwo yatangizaga amahugurwa y’Abunzi y’iminsi ibiri ku rwego rw’Igihugu, mu muhango wabereye mu Murenge wa Cyuve mu Karere ka Musanze, kuri uyu wa Kabiri, tariki ya 18 Ukwakira 2016.

Minisitiri Busingye yasabye Abunzi kurushaho kuba inyangamugayo no gukorana ubwitange mu kazi kabo ka buri munsi.

Yagize ati “Mugomba kwirinda ingeso mbi zirimo gusaba ibyiswe guhagurutsa inteko, umuti w’ikaramu kuko byose ni ruswa, mugomba kuba abizerwa mukanoza ibyo mukora.”

Yakomeje avuga ko muri iki cyumweru batangira guhabwa amagare azabafasha gukora neza.

Ati “Akazi mukora igihugu kirakazirikana, mwahawe telefoni n’ubwisungane mu kwivuza ndetse ubu mugiye gutangira guhabwa amagare muri iki cyumweru.”

Habimana Erneste, umwe mu bunzi bo mu Karere ka Musanze yagize ati “Ibi birashimangira ko imvugo ya Perezida wacu, Paul Kagame ari yo ngiro, ubu tuzajya tugera ku kiburanwa bitworoheye bityo tugire n’amakuru dushingiraho twunga.”

Nyirahabineza Immaculée avuga ko aya magare bemerewe n’Umukuru w’Igihugu azabafasha kongera umusaruro.

Yagize ati “Uru ni urwibutso rukomeye cyane natwe tugomba guhagarara ku bunyangamugayo kandi tuzongera n’umusaruro w’ibyo dukora.”

Abunzi batangiye gukora kuva mu mwaka wa 2004, mu rwego rwo kunganira no gufasha ubutabera kugera ku ntego yo kugabanya imanza zijyanwa mu nkiko. Kuri ubu mu gihugu hose habarurwa Abunzi basaga ibihumbi 17.

Minisitiri w’Ubutabera akaba n’Intumwa Nkuru ya Leta, Johnston Busingye yasabye Abunzi bo mu Karere ka Musanze kuba inyangamugayo mu byo bakora
Abunzi bo mu Karere ka Musanze bavuga ko amagare bagiye guhabwa azabafasha mu kazi kabo
Umuhango wo gutangiza amahugurwa y'iminsi ibiri witabiriwe n'abayobozi batandukanye
Amwe mu magare agiye guhabwa Abunzi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved