Kwamamaza

Musanze: Busingye yasabye urubyiruko guhindura imyumvire byatuma rutera imbere

Yanditswe kuya 19-10-2016 saa 18:47' na Bazatsinda Jean Claude


Ubwo yasuraga urubyiruko rwahoze ari inzererezi rugororerwa mu Kigo Ngororamuco cya Kinigi, Minisitiri w’Ubutabera akaba n’intumwa nkuru ya leta, Johnston Busingye, yarwibukije ko aho ruri kugororerwa ari aharwigisha kuziteza imbere no guhindura imyumvire, bitandukanye n’ibivugwa n’ababa bashaka guharabika igihugu.

Mu Kigo Ngororamuco cya Kinigi hagororerwa urubyiruko rw’abahungu rugera kuri 47 bahoze bakora ubujura n’abakoraga ibikorwa byo kunywa no gukoresha ibiyobyabwenge mu mujyi wa Musanze.

Minisitiri Busingye yabwiye uru rubyiruko ko rufite uruhare runini mu kubaka u Rwanda, bityo abasaba guhinduka bagakora ibibateza imbere n’igihugu muri rusange.

Yagize ati"Ubukungu bwa mbere bw’igihugu ni Abanyarwanda. Namwe mufite uruhare runini, musabwa guhinduka kuko ni mwe bayobozi b’ejo hazaza. Hari imwe mu miryango igenda ivuga ko mufunze, iyi si gereza ni ikigo ngororamuco gitandukanye na gereza, mwigishwa uburere mboneragihugu, kwihangira umurimo n’ibindi."

Bamwe mu rubyiruko ruri muri iki kigo bavuga ko nabo bumvise agaciro bafite mu muryango kandi ko bagiye gukora ibishoboka byose ngo bagere ku buzima bwiza birinda guhemuka nka mbere.

Rwagasore Innocent yagize ati"Nafashwe nibye kuko nibyo nakoraga ariko ubu namenye indangagaciro mpitamo kureka kwiba no kunywa ibiyobyabwenge."

Uwamahoro Théoneste ati" Nanywaga ibiyobyabwenge harimo urumogi kandi nkiba iby’abandi. Kuba narashoboye kureka ibiyobyabwenge kandi baratubeshyaga ko ubiretse ahura n’uburwayi n’ibindi birashoboka kuko twize imyuga izaduteza imbere."

Kuva mu 2011, mu Kigo Ngororamuco cya Kinigi hanyuzemo urubyiruko rugera ku 2130, aboherejwe Iwawa ni 227. Byemezwa ko aba bose bagorowe bagahinduka ku kigero kiri hejuru ya 95%.

Minisitiri Busingye yibukije abari mu Kigo Ngororamuco cya Kinigi ko badafunzwe nkuko bivugwa
Abagororerwa mu Kinigi bavuga ko ubu bamaze guhinduka no kureka ingeso mbi bahozemo

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved