Kwamamaza

Niba dushaka igihugu giteye imbere, tugomba guhera ku muryango mutoya- Kanzayire

Yanditswe kuya 28-10-2016 saa 10:53' na Ntakirutimana Deus


Urwego rw’Umuvunyi rukunze kwakira ibibazo by’akarengane na ruswa biterwa n’amakimbirane yo mu muryango ashingiye ku mitungo, bitakabayeho ireme ry’umuryango riramutse ryitaweho.

Ubwo Umuvunyi Wungirije, Kanzayire Bernadette yari mu gikorwa cyo kwakira ibibazo by’akarengane na ruswa mu karere ka Kamonyi, ku wa Gatatu tariki ya 26 Ukwakira 2016, yakirijwe ibibazo bitandukanye biri mu miryango, byose bishingiye ku mitungo.

Bimwe muri byo birimo icy’umukazana na nyirabukwe bapfaga isambu y’umuryango, ndetse n’icy’umubyeyi wavuze ko umwana yareze yamuhaye ikibanza cyo kubakamo, we akarengera akiyongeza imiringoti ibiri.

Kanzayire yavuze ko ibibazo nk’ibyo bakunze guhura nabyo, aho bajya mu bikorwa bitandukanye bibahuza n’abaturage, ariko ngo hari uburyo byagabanuka.

Ati “Icyo Urwego rw’Umuvunyi ndetse n’izindi nzego dufatanya mu gukumira no kurwanya akarengane na ruswa ni ukubaka ireme ry’umuryango. Niba dushaka igihugu giteye imbere, umuryango mwiza, ndavuga umuryango mugari w’Abanyarwanda, ni uko duhera kuri wa muryango mutoya , w’umugabo n’umugore n’abana babo ndetse n’ababashamikiyeho.”

Yagaragaje ko ibibazo byinshi biterwa n’uko biba bitakemuriwe mu muryango.

Ati “Hari ubwo haba hatabanotse umwanya w’inama yo mu muryango cyangwa hakaba ushaka kwikubira umutungo akaba yakoresha n’inyandiko mpimbano nk’uko twabyumvise hano mu bibazo byatanzwe bigatuma abayobozi bafata imyanzuro itari yo.”

Gusa ngo iyo bahuye n’ikibazo nk’icyo baragikurikirana bakareba uko inzego zitandukanye ziba zaragikemuye mbere bagatanga umurongo w’uburyo cyakemukamo burundu.

Yasabye abagize imiryango kwicarira ibibazo bitandukanye biyivugwamo, mbere yuko hitabazwa izindi nzego.

Ati “ Mu muryango abantu bafatanye bafate ibyemezo bikwiye, abakuru bafashe abato, abato bafashe abakuze, kugira ngo hafatwe umwanzuro usobanutse, kuko niba udasobanutse nibijya mu nzego z’ubuyobozi no mu nkiko bizaba bigoramye kandi byatewe n’umuryango cyangwa bitewe n’abaturanyi.”

Umuvunyi Wungirije, Kanzayire Bernadette

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved