Kwamamaza

Batatu begukanye miliyoni muri poromosiyo ’Ba Miliyoneri’

Yanditswe kuya 8-11-2016 saa 15:34' na IGIHE


Ntwari Nyandwi François, utuye mu Karere ka Rwamagana, Umurenge wa Karenge, mu Kagari ka Kabasore, Ntakirutimana Claude, wo mu Murenge wa Gatsata, mu Karere ka Gasabo na Dusabumuremyi Sylvain, wo mu Karere ka Muhanga, batsindiye ibihembo muri poromosiyo ya ’Ba Miliyoneri’ yateguwe na Tigo.

Aba bose batsindiye ibi bihembo, bemeza ko bamenye iby’iyi poromosiyo binyuze mu butumwa bwagiye butambuka ahantu hanyuranye, haba ku maradiyo, Televiziyo n’ahandi.

Ntwari ahamya ko yamenye ibijyanye na poromosiyo ya Ba Miliyoneri binyuze kuri televiziyo na radyio aho bavugaga ko Tigo yazanye poromosiyo aho umuntu akanda *155# cyangwa agahamagara kuri 155, akiyandikisha mu banyamahirwe batsindira amafaranga buri munsi. Ntakirutimana nawe ntajya kure y’ibyo mugenzi we kuko yabimenye abyumvise kuri radiyo. Kuva ako kanya ngo yahise atangira gukina anaba umunyamahirwe muri iyi tombola.

Mwabyakiriye mute bakimara kubahamagara kuri televiziyo bababwira ko mwatsindiye miliyoni?

Ntwari yagize ati "Bampamagaye ndi kwa mukuru wanjye hari ahantu mvuye nanyagiwe cyane, ngiye kumva numva barampamagaye mba mvugije induru cyane abantu bose bibaza icyo mbaye. Kubyemera byarangoye ku buryo ijoro narimaze nkibaza niba ari byo koko, nabashije gusinzira amasaha abiri gusa.

Nakirutimana we yagize ati "Njye narimvuye ku kazi, barabanza barampamagara ubwa mbere sinabitaba, bampamagaye ubwa kabiri nditaba bahita bambwira ko natsindiye miliyoni. Narishimye cyane ku buryo nirutse nterura buri wese kubera ibyishimo."

Dusabumuremyi yunzemo agira ati "Bampamagaye ndi mu nama y’ ubukwe, bibanza kunyobera sinabyemera bitewe n’uko nari maze iminsi ibiri yonyine nkinnye muri poromosiyo ya Ba Miliyoneri. Narishimye cyane ariko sinabasha kugaragaza ibyishimo byanjye nkuko nabyifuzaga kuko nari ndi kumwe n’abantu bakuze."

Murateganya gukoresha iki aya mafaranga? Ni iki agiye guhindura mu buzima bwanyu?

Ntwari avuga ko ari bwo akirangiza kwiga amashuri yisumbuye, bityo ngo agiye gukoresha aya mafaranga mu gusana inzu ye yari yarasenyutse ndetse ngo anateganya kuyashakamo ikindi kibanza cyizamufasha gukomeza kwiteza imbere.

Ntakirutimana we avuga ko agiye gukoresha aya mafaranga aguramo ikibanza cyo kuzubakamo mu gihe kizaza. Dusabumuremyi we yemeza ko aya mafaranga azamufasha kugura inka yiyongera ku yindi yari yoroye, mu rwego guteza imbere ubvworozi bwe.

Aya mafaranga kandi ngo azafasha Ntwari gusana inzu ye no kugura ikibanza
Ntakirutimana akimara kumva ko yatsindiye miliyoni ngo yahise aterura abo bari kumwe kubera ibyishimo
Dusabumuremyi avuga ko aya mafaranga azamufasha guteza imbere ubworozi bwe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved