Kwamamaza

Nyagatare:Igisasu cyishe abashumba batanu

Yanditswe kuya 1-11-2016 saa 09:54' na Thamimu Hakizimana


Igisasu cyo mu bwoko bwa Mine cyaturikanye abashumba batanu mu Kagari ka Nyamirama mu Murenge wa Karangazi mu karere ka Nyagatare bahita bitaba Imana.

Kuri uyu wa mbere, tariki ya 31 Ukwakira 2016, nibwo icyo gisasu cya mine cyaturikanye abahungu batanu bari baragiye inka mu ishyamba riri hafi y’Ikigo cya Gisirikare cya Gabiro gihita kibica.

Amakuru agera kuri IGIHE avuga ko aba bana bishwe n’icyo gisasu bari barimo kugihonda kugira ngo bamenye icyo ari cyo.

Umuvugizi wa Polisi y’u Rwanda, ACP Theos Badege yabwiye IGIHE ko aba bashumba batanu bishwe n’igisasu ku manywa yo ku munsi w’ejo ku wa mbere ariko batari bamenya uko cyabishe.

Yagize ati “Nibyo byabaye ejo ariko ni abashumba bari baragiye; amakuru akimara kumenyekana inzego z’umutekano n’abaturage bagiyeyo basanga bapfuye bigaragara ko ari igisasu cyabaturikanye kuko bahasanze ibikoresho by’abashumba gusa.”

Yaboneyeho gusaba abaturage ndetse n’abarezi kongera gukangurira abana n’abandi kwirinda gukorakora ibyo batazi.

Yagize ati “ Nubwo hakoreshejwe ingufu nyinshi mu gutegura ibisasu hakanakorwa ubukangurambaga hirya no hino kandi bikaba byaratanze umusaruro, ntidukwiye kubireka dukomeze tubishishikarize abantu.”


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved