Kwamamaza

Nyamagabe: Abanyeshuri bakoraga ikizamini cya Leta bagiye kwidumbaguza, umwe arapfa

Yanditswe kuya 14-11-2016 saa 12:24' na Emma-Marie Umurerwa


Gasiga Désiré wigaga mu Ishuri rya ‘Notre Dame de la Paix Cyanika’ mu Ishami rya ‘Computer Science’ , mu mwaka wa Gatandatu w’amashuri yisumbuye,yarohamye mu kizenga arapfa ubwo we na bagenzi be batorokaga ikigo bakajya kwidumbaguza.

Uyu musore w’imyaka 19 y’amavuko ukomoka mu Karere ka Ruhango, yarohamye mu kizenga giherereye mu Mudugudu wa Kabarera, mu Kagari ka Ngoma, mu Murenge wa Cyanika ku mugoroba wo ku itariki ya 13 Ugushyingo.

Umunyamabanga Nshingwabikorwa w’Umurenge wa Cyanika, Ndorimana Jean Chrysostome, yatangarije IGIHE ko uyu munyeshuri warohamye yari kumwe na bagenzi be bari batorokanye ikigo.

Yagize ati “Abanyeshuri icyenda batorotse ikigo noneho bahamagara n’uwo nyakwigendera ngo aze bajyane, bagenda ari 10. Bageze mu kizenga baroga nk’abari muri piscine (ubwogero) noneho undi aheramo, bagenzi be baramushaka baramubura. Babitumenyesheje hashize nk’isaha natwe tubimenyesha Polisi turamushakisha turamubura.”

Uyu muyobozi yakomeje avuga ko abaturage baraye kuri icyo kizenga kugeza mu gitondo, ahagana saa kumi n’ebyiri ari nabwo umurambo we wabonetse, uhita ujyanwa mu bitaro bya Kigeme.

Ati “Urebye icyo kizenga ubona ari kigufi kandi gifite amazi y’urubogobogo, ariko mu bujyakuzimu bigaragara ko ari harehare cyane.”

Ndorimana yakomeje avuga ko iki kizenga giteye impungenge abaturage n’ubuyobozi.

Ati “Ayo mazi yaje ahari ikirombe cy’Abashinwa bacukuragamo amabuye ubwo bubakaga umuhanda Kitabi-Nyungwe. Umuhanda wararangiye abashinwa bagenda badasubiranyije aho bacukuye amabuye, natwe nk’ubuyobozi biduteye impungenge.”

Akomeza avuga ko iki kibazo bakimenyesheje ubuyobozi bw’Ikigo cy’Igihugu gishinzwe guteza imbere ubwikorezi,RTDA,binyuze ku Karere ka Nyamagabe, bakaba bategereje igisubizo.

Gitifu Ndorimana avuga ko uretse uyu munyeshuri warohamyemo, mu mwaka wa 2015 nabwo harohamyemo umwana wigaga mu mashuri abanza arapfa.

Ubuyobozi bukaba bwafashe ingamba zo kuhashyira irondo ryo ku manywa mu rwego rwo kurinda abaturage.

Iki kizenga nicyo Gasiga Désiré yarohamyemo, ahita yitaba Imana

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved