Nyamagabe: Gitifu w’Umurenge n’uwahoze akora mu by’ubutaka batawe muri yombi

Yanditswe na Prudence Kwizera
Kuya 1 Ukwakira 2017 saa 11:27
Yasuwe :
1 1

Umunyamabanga Nshingwabikorwa w’Umurenge wa Cyanika, Chrisostome Ndorimana hamwe na Obed Muhirwa wahoze akora mu by’ubutaka batawe muri yombi na Polisi y’Igihugu kubera icyaha bakekwaho cyo kunyereza umutungo wa Leta.

Aba bagabo bafashwe kuwa 29 Nzeri 2017 bafunganywe n’abandi batatu bakekwaho ubufatanyacyaha muri uyu mugambi.

Obed Muhirwa yahoze akora mu by’ubutaka (One stop center) nyuma aza guhindurirwa imirimo; icyaha akekwaho yagikoze akibarizwa mu bijyanye n’ubutaka.

Umuvugizi wa Polisi mu Ntara y’Amajyepfo, IP Emmanuel Kayigi, yahamije aya makuru ko aba bombi bafashwe bari gukorwaho iperereza.

Yagize ati “Umutungo bakekwaho kunyereza ni ujyanye n’aho bimuraga abantu bavuga ko hagiye gucukurwa amabuye y’agaciro. Ni dosiye ndende imaze igihe, hari abagiye babifungirwa na mbere. Amakuru aracyakusanywa ku buryo ibyinshi biracyari mu iperereza”.

Abatawe muri yombi bafungiye kuri Sitasiyo ya Polisi ya Gasaka bakaba bari gukorerwa dosiye kugira ngo bashyikirizwe ubushinjacyaha.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza