Kwamamaza

Nyamasheke: Abagabo barasabirwa amahugurwa ku ihame ry’uburinganire

Yanditswe kuya 19-10-2016 saa 08:32' na Sitio Ndoli


Abagore batandukanye bo mu Karere ka Nyamasheke baravuga ko abagabo benshi batarasobanukirwa n’ihame ry’uburinganire, bituma ihohoterwa mu miryango ridacika.

Aba bagore bemeza ko abagabo bari bakwiriye amahugurwa y’uburinganire kuko bataramenya icyo ari cyo, kuko kutabumenya bitera amakimbirane no gutandukana kw’abashakanye.

Mukaremera Isabelle wo mu Murenge wa Karambi ati “Amahugurwa arakenewe kubera ko bitari ijana ku ijana, ubwo n’ako gasigaye ku ijana nako kakabasha kugerwaho kugira ngo twese hamwe tuzamure uburinganire hagati y’umugore n’umugabo.”

Yakomeje agira ati“Ingaruka igaragara ku muryango iyo uburinganire butangana ijana ku ijana, ubona hari aho bigera ugasanga ku mutungo umugabo n’umugore ntabwo bari kubyumva kimwe, hari aho umugabo avuga ko ibifite agaciro ko hejuru akavuga ko ibintu byose ari ibye. Ingaruka bigira ku muryango nk’abana ntibabasha kubona ibikoresho, ibiribwa n’imyambaro kubera icyo kibazo."

Musabe Cecile wo mu Murenge wa Bushekeri ati “Aya mahugurwa bakunze guha twe abagore, dusobanurira abagabo ariko ntibabyumva cyane; na leta yashyiraho akayo kugira ngo barusheho guhugukirwa nk’uko natwe tumaze guhugukirwa ku byerekeye uburinganire. Hari ingo ziri kubakwa vuba zigahita zisenyuka kubera buri umwe aba yumva hari imirimo aharira mugenzi we.”

Bamwe mu bagabo bo muri aka karere na bo bavuga ko atari bose bazi iby’uburinganire, bakemeza ko bari bakwiriye amahugurwa kuko byafasha kuzamura iterambere ry’imiryango yabo.

Ndekezi Faustin ati “ Abagabo benshi batazi iby’uburinganire baracyahari, leta yari ikwiriye kuduha amahugurwa nk’uko abagore benshi bayahabwa.”

Yakomeje agira ati “Usanga hari nk’umugabo utashyira inkono ku iziko kubera ko umugore nta wuhari, abana bakaburara, abo bafite imyumvire mibi kuko muri iki gihe kumvikana n’umugore ni ryo terambere.”

Nyirinkwaya Faustin, ushinzwe iterambere ry’umugore mu Nama y’igihugu y’abagore,CNF, avuga ko muri rusange abanyarwanda bakeneye amahugurwa ajyanye n’ihame ry’uburinganire.

Ati “Ntabwo bivugwa ko abagabo badafite ubumenyi ku bijyanye n’uburinganire bonyine ahubwo muri rusange abanyarwanda twese dukeneye amahugurwa ajyanye n’ihame ry’uburinganire, akwiye gutangwa ku bagabo ariko agatangwa no ku bagore.”

Akarere ka Nyamasheke gatuwe n’abaturage 381,804 muri bo abagabo ni 178,421.

Abagore bo muri Nyamasheke bavuga ko abagabo babo batarasobanukirwa neza iby'ihame ry'uburinganire

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved