Nyamasheke: Ba Gitifu 19 b’utugari beguye ku mirimo yabo

Yanditswe na Uwishyaka Jean Louis
Kuya 11 Mutarama 2017 saa 07:58
Yasuwe : XX
0

Abanyamabanga Nshingwabikorwa b’utugari 19 two mu Karere ka Nyamasheke, mu Natra y’u Burengerazuba, beguriye rimwe ku mirimo yabo bavuga ko ari ku mpamvu zabo bwite.

Amakuru y’ubwegure bw’aba bayobozi, yemejwe n’Umuyobozi w’Akarere ka Nyamasheke, Kamali Aimé Fabien, wavuze ko amabaruwa aba bayobozi badikiye ubuyobozi bw’akarere abumenyesha ubwegure bwabo bayakiriye kuri uyu wa Gatatu tariki 11 Mutarama, saa kumi n’imwe z’umugoroba, bose bemeza ko beguye ku mpamvu zabo bwite.

Abayobozi b’utugari beguye ni abo mu tugari 19 muri 68 tugize aka karere. Abeguye kandi babarizwaga mu mirenge 12 muri 15 igize Akarere ka Nyamasheke.

Inkubiri yo kwegura kw’Abanyamabanga Nshingwabikorwa b’utugari, si muri aka karere ivuzwe gusa kuko mu turere duturanye tw’igihugu, hamaze iminsi humvikana iri yegura, aho ahaheruka ari mu Karere ka Rubavu, aho kuri uyu wa Kabiri tariki 10 Mutarama 2017, Abanyamabanga Nshingwabikorwa b’utugari 26 beguye, bakurikira abandi 28 n’ababungirije 23 bo mu Karere ka Rubavu beguye ku mirimo yabo ku wa Mbere w’iki cyumweru bavuga ko ari ku mpamvu zabo bwite.

Iyi nkubiri kandi ije ikurikira iy’Abanyamabanga Nshingwabikorwa b’imirenge hirya no hino beguye ku mirimo yabo, nabo intero ari imwe yo kwegura ku bushake.

Meya Kamali yavuze ko amabaruwa y'ubwegure bw'abo bayobozi bayakiriye kuri uyu wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza