IGIHE.com > Amakuru > U Rwanda
Nyamasheke : Bwa mbere icyunamo cyarangiye nta ngengabitekerezo ya Jenoside ihagaragaye

Nyamasheke : Bwa mbere icyunamo cyarangiye nta ngengabitekerezo ya Jenoside ihagaragaye


Yanditswe kuya 14-04-2013 - Saa 10:33' na DenysBasile Uwingabiye

Ubwo hasozwaga icyumweru cyo kwibuka ku nshuro ya 19 Jenoside yakorewe Abatutsi, kuri uyu 13 Mata 2013, ubuyobozi bw’Akarere ka Nyamasheke bwatangaje ko ari ubwa mbere kirangiye nta magambo agaragaza ingengabitekerezo ya Jenoside ahagaragaye.

Habyarimana Jean Baptiste, Umuyobozi w’Akarere ka Nyamasheke, ari mu murenge wa Kagano, yagize ati “Ni ibyo kwishimira ni ubwa mbere mu nshuro 19 icyunamo cyo kwibuka Jenoside yakorewe abatutsi kirangiye nta magambo agaragaza ingengabitekerezo ya Jenoside agaragaye muri aka Karere ka Nyamasheke”.

Depite Mwiza Espérance wifatanya n’abaturage ba Nyamasheke mu bihe byo kwibuka, yavuze ko Kuba ari ubwa mbere muri aka Karere icyunamo kirangiye nta magambo asesereza, agaragaza ingengabitekerezo ya jenoside, ari ikimenyetso cy’uko imitima y’abaturage igenda ikira.

Depite Mwiza wari kumwe n’abandi badepite mu Nteko Ishinga amategeko bari baje kwifatanya n’abaturage b’aka Karere yongeyeho ko Abanyarwanda bakwiriye kurushaho kwiyubaka.

Kwibuka Jenoside yakorewe Abatutsi ku nshuro ya 19 byakorewe ku rwego rw’Umudugudu, byagiye byitabirwa n’abaturage benshi hirya no hino mu gihugu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO