Kwamamaza

Nyamasheke: Yabyaranye na se, amaze gupfa arongorwa na musaza we

Yanditswe kuya 15-11-2016 saa 18:22' na Sitio Ndoli


Umugore w’imyaka 27 utuye mu Mudugudu wa Ruhunga, Akagali ka Ntango mu Murenge wa Nyabitekeri mu Karere ka Nyamasheke yarongowe na musaza we nyuma y’uko se bari barabyaranye umwana yari amaze kwitaba Imana.

Uyu mugore afite abana umunani, barimo imfura y’imyaka 14 yabyaranye na se, n’abandi barindwi yabyaye kuri musaza we.

Avuga ko afite imyaka 13 aribwo se umubyara yamufashe ku ngufu, agahita abyara umwana w’umuhungu, ndetse nyuma y’urupfu rwe na musaza we bavukana kuri Se agahita amuhatira ko babana.

Ati “Ubwo nari mfite imyaka 13, Data yaramfashe antera inda biza kurangira mbyaye umwana w’umuhungu, ubu afite imyaka 14. Yaje gupfa, musaza wanjye tuvukana kuri data na we aravuga ngo ibyo yagukoreye nanjye ngomba kubigukorera. Kwemera kubana na we ni uko nta hantu ngira mpinga, ntacyo ndya, kandi gutunga abana bikaba binangoye cyane.”

Yakomeje avuga ko umukobwa we babyaranye na musaza we atiga kubera kubura ubushobozi ndetse n’abandi bana barwaye indwara zituruka ku mirire mibi kubera kutagira ibyo kurya, rimwe na rimwe batungwa no guca inshuro.

Nyina w’uyu mugore yemeza ko ibyo umuhungu na se bakoze atari byiza kandi ko ari inzoga zabashutse.

Ati “ Bamaranye igihe kirekire, ariko amakosa yose yabayeho yatewe n’ubusinzi, ni mu kabari byose byagiye bituruka.”

Abaturanyi b’uyu muryango baganiriye na IGIHE batangaza ko batunguwe no kubona abavandimwe babana nk’umugabo n’umugore mu nzu imwe.

Komezusenge Xavier atangaza ko uyu muryango utishoboye ndetse nta butaka buhagije bwo guhinga bwabafasha gukura abana babo mu mirire mibi.

Ati “Uyu nguyu tuziko abana na musaza we. Barakennye ariko akenshi Leta ikunda kumufasha mu bibazo bye.”

Umunyamabanga Nshingwabikorwa w’Akagari ka Ntango, Munyankindi Silas, avuga ko yatunguwe no kumva abavandimwe babana ariko akavuga ko ubuyobozi bugerageza kubaba hafi.

Ati “Byarantunguye nanjye ni uku nabisanze, babayeho nabi ariko ubuyobozi bwagiye bubaha ubufasha nko kububakira inzu, no kubishyurira ubwisungane mu kwivuza."

Ku myaka 27 amaze kubyarana abana barindwi na musaza we

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved