Kwamamaza

Nyanza:Barakekwaho gutwika indabo zo ku rwibutso rwa Jenoside

Yanditswe kuya 8-10-2016 saa 11:02' na Umutoni Rosine


Abajura bibye urugi rwari rukinze urwibutso rushyinguyemo imibiri y’Abatutsi 124 bishwe muri Jenoside yo muri Mata 1994, ruherereye mu Karere ka Nyanza, batwika n’indabo zahashyizwe.

Uru rwibutso rwa Jenoside rwubatse mu Mudugudu wa Nyakabuye mu Kagari ka Mpanga, mu Murenge wa Mukingo. Mu ijoro ryo ku itariki 1 Ukwakira 2016, nibwo abajura bahibye urugi banatwika indabo zahashyizwe n’abafite ababo bahashyinguye nk’uko ubuyobozi bw’inzego z’ibanze bwabitangaje.

Umuyobozi w’Umudugudu wa Nyakabuye, Kanzayire Jeannette, yatangarije IGIHE ati "Nta muzamu uba kuri urwo rwibutso. Hari umwana wahanyuze niwe wabonye ko urugi rwibwe ndetse n’indabo zatwitswe arabitumenyesha natwe tumenyesha inzego zindi. Ni ubwa mbere muri uyu mudugudu tubona ibikorwa nk’ibi."

Umuyobozi wa Ibuka mu Murenge wa Mukingo, Kabagamba Canisius, yatangaje ko hari abamaze gufatwa bakurikiranyweho uruhare muri iki gikorwa, barimo ababyiyemerera.

Yagize ati "Ni urwibutso rwubatswe n’abantu batuye ndetse n’abakomoka i Nyakabuye, bashyinguramo abantu babo, hanyuma baruzamuraho amatafari ahiye. Abantu tutaramenya icyo bari bagamije bibye urugi n’indabo barazitwika."

Yakomeje agira ati "Hamaze gufatwa abagabo batatu, harimo uwemera ko yazanye lisansi yo gutwika indabo kubera ko imvura yari yaguye."

Abacitse ku icumu muri kariya gace babanaga neza n’abandi baturage, ibikorwa byo gupfobya ndetse n’ihohoterwa ntibyari bihasanzwe nk’uko byemezwa n’Umuyobozi w’Akarere ka Nyanza, Ntazinda Erasme.

Yagize ati "Kwiba urugi bishobora kuba ubujura ariko gutwika indabo ni igikorwa kiganisha ku gupfobya Jenoside yakorewe Abatutsi. Hari abafashwe ariko iperereza riracyakorwa."

Akomeza avuga ko bafashe ingamba zo gukaza umutekano ku rwibutso hamwe no kongera imbaraga n’ubukangurambaga bibutsa abaturage ko bagomba kwirinda ibikorwa byo gupfobya no guhakana Jenoside yakorewe Abatutsi.

Bamwe mu batwitse izi ndabyo batangiye gutabwa muri yombi ndetse iperereza riracyakomeje
Abajura bibye urugi rwari rukingishije urwibutso rwa Jenoside yakorewe Abatutsi batwika n'indabyo zahashyizwe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved