Kwamamaza

Nyanza: Umusore yafatanywe Gerenade mu gisenge cy’inzu

Yanditswe kuya 21-10-2016 saa 09:39' na Thamimu Hakizimana


Zirimwabagabo Eric w’imyaka 27 utuye mu Kagari ka Katarara, mu Murenge wa Ntyazo, mu Karere ka Nyanza, yafatanywe gerenade eshatu mu gisenge cy’inzu y’iwabo.

Ku wa Kabiri tariki ya 18 Ukwakira 2016, ni bwo uyu musore yafatanywe izo gerenade nyuma y’uko ubuyobozi bumusabye kujya kuzerekana.

Umuyobozi w’Akarere ka Nyanza, Ntazinda Erasme, yabwiye IGIHE ko Zirimwabagabo yasabwe kwerekana izindi gerenade nyuma y’uko mu 2006 yari yafunzwe azira gutera gerenade umusore mugenzi we amushinja ko yamwibye igare.

Yagize ati “ Kugira ngo asabwe gutanga izo gerenade ni uko hari amakuru yavugwaga ko ashobora kuba azifite nyuma y’uko mu 2006 yayiteye undi musore bapfa igare avuga ko yarimwibye ariko k’u bw’amahirwe ntiyapfa.”

Akomeza avuga ko Zirimwabagabo nyuma yo gutera gerenade mugenzi we yaje gutabwa muri yombi arafungwa ariko nyuma aza kongera gutoroka gereza.

Yagize ati “ Yigeze no gufungwa akatirwa imyaka ibiri aza gutoroka gereza ariko yaje kongera arafungwa noneho arangiza igihano cye.”

Meya Ntazinda, avuga ko uyu musore yemeye ko izo gerenade yafatanywe yazihawe n’abasirikare b’i Burundi ndetse ko ari bo banamwigishije no kuzikoresha.

Kugeza ubu Zirimwabagabo Eric afungiye kuri sitasiyo ya Polisi ya Busasamana, mu Karere ka Nyanza.

Gutunga intwaro mu buryo bunyuranyije n’amategeko cyangwa kwanga gutanga amakuru y’ahaherereye intwaro ku buryo butemewe, ni icyaha gihanwa n’amategeko y’u Rwanda kuko ingingo ya 671 yo mu gitabo cy’amategeko ahana y’u Rwanda ivuga ko umuntu wese utunga intwaro, uyitiza, uyitanga, uhindura ibimenyetso byayo mu buryo ubwo ari bwo bwose, ahanishwa igifungo kuva ku mezi atandatu kugeza ku mwaka umwe n’ihazabu y’amafaranga y’u Rwanda kuva ku bihumbi magana atatu kugeza kuri miliyoni eshatu cyangwa kimwe gusa muri ibyo bihano.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved